Naturrezervejo

Naturrezervejo aŭ naturprotekta areo estas mezeŭropa nocio pri forte protektita areo por rezervo de la ekosistemo.

En la naturrezervejo oni protektas la planto-, bestospeciojn. Ĝi estas ofte pli malgranda ol nacia parko kaj celas protekti pro sciencaj aŭ naturrezervaj kaŭzoj areojn, rarajn speciojn aŭ belan pejzaĝon, estaĵojn. La naturrezervejo povas esti biotopoj, marĉoj, montaraj lokoj, arbaroj.

Ĉiuj landoj de la mondo enkondukas en siajn regularojn la koncepton de rezervejo (natura, biologia, ktp) laŭ siaj propraj terminoj kaj kun siaj propraj limigoj.

En la naturrezervejo, la fajrigo, kultivado de agro estas malpermesita aŭ nur per biologiaj metodoj (en Hungario).

Birdorezervejo (nomita foje ankaŭ ornitologia rezervejo) estas naturrezervejo celita por protekti birdo-speciojn. Kiel ĉe aliaj naturrezervejoj, ankaŭ en birdorezervejo la ĉefa celo estas eviti, ke specio iĝu endanĝerita aŭ formortinta. Tipe, birdospecioj en rezervejo estas protektitaj kontraŭ ĉasado kaj habitatodetruo.

Oni signas la naturrezervejojn en Germanio per aglo sur verda ŝildo (en iama BRD, la okcidento de la ŝtato) kaj per strigo sur flava ŝildo (en iama GDR, la oriento).

En 1995 estis en Germanio 5.314 naturrezervejoj sur areo de 6.845 km². La plej grandan surfacon de 1.416 km² kovras la naturrezervejoj de la federacia lando Bavario kaj kun 1.275 km² sekvas tiuj de Malsupra Saksio.

• Biodiverseco
• Specifa protekto: nacia parko, biosfera rezervejo, natura parko
• Eŭropaj protektaj areoj Reto Natura 2000