Near Earth Asteroid Tracking

Near Earth Asteroid Tracking
organizaĵo astronomia sondado
Komenco	decembro 1995 vd
Fino	aprilo 2007 vd
Antaŭe	Planet-Crossing Asteroid Survey vd
Poste	Q3337586 vd
Agareo	apud-Tera objekto
Retejo	Oficiala retejo
v • d • r

Near-Earth Asteroid Tracking aŭ NEAT (angla por "Spurado de Apud-Teraj Asteroidoj") estis usona astronomia programo de la NASA kaj de la Jet Propulsion Laboratory por malkovri apud-terajn objektojn. La projekto NEAT komenciĝis en decembro 1995 kaj funkciis ĝis aprilo 2007^[1].

La unua ĉefa esploristino estis Eleanor Francis Helin, helpata de Steven H. Pravdo kaj David L. Rabinowitz. NEAT faris interkonsenton kun United States Air Force, la usona aerarmeo, por uzi unu teleskopon de "GEODSS" (Ground-based Electro-Optical Deep Space Surveillance) sur Haleakala (Insulo Maui, Havajo); ĉi tiuj larĝa-kampaj teleskopoj de la aerarmeo celas opte observi kosmoŝipojn en tera orbito. La teamo de NEAT projektis fotilon kun ŝargkuplitaj aparatoj kaj komputilan sistemon por la teleskopo de GEODSS. La formato de la CCD-fotilo estas 4096 × 4096 rastrumeroj kaj la vida kampo 1,2° × 1,6°.

Je komenco de aprilo 2001, ankaŭ la Teleskopo Samuel Oschin (Schmidt-teleskopo de 1,2 m de la Observatorio Palomar) estis ekuzita por malkovri kaj spuri apud-terajn objektojn. Ĉi-tiu teleskopo estas ekipita per fotilo kun 112 CCD-lumkaptiloj, ĉiu kun 2400 × 600 rastrumeroj; ĝi produktis la bildojn, kiuj permesis malkovri Kvavaron en 2002, Sednon en 2003 kaj la nanoplanedon Eriso.

Laŭ la Minor Planet Center, NEAT permesis la malkovron de 45004 asteroidoj^[2] inter 1995 kaj 2007. NEAT ankaŭ (re)malkovrigis la periodan kometon 54P/de Vico-Swift-NEAT (unue observitan en 1884 kaj perditan), la Stelon de Teegarden, kaj la kometon C/2001 Q4 (NEAT).

La asteroido 64070 NEAT^[3] estas nomita je honoro de la programo NEAT en 2005.

• Kategorio:Malkovrita de NEAT

Portalo pri Astronomio

• angle Near Earth Asteroid Tracking Arkivigite je 2015-10-24 per la retarkivo Wayback Machine