Ovio

Ovio
Kanada ŝafo
Biologia klasado
Regno: Animaloj Animalia Filumo: Ĥorduloj Chordata Klaso: Mamuloj Mammalia Ordo: Parhufuloj Artiodactyla Familio: Bovedoj Bovidae Subfamilio: Kaprenoj Caprinae Genro: Ovio Ovis Linnaeus, 1758
Specioj
Vidu tekston.
Aliaj Vikimediaj projektoj
Sistematiko en Vikispecioj
Komunejo pri Ovio
v • d • r

Ovio (Ovis) estas genro de mamuloj el la ordo de parhufuloj, familio de bovedoj, al kiu apartenas ŝafo.^[1]

Estas almenaŭ ok ŝaf-specioj:

	Ovis aries figa	Ŝafo
	Ovis canadensis	Kanada ŝafo
	Ovis dalli	Dalla ŝafo
	Ovis musimon aŭ Ovis ammon musimon	Muflono
	Ovis nivicola	Neĝoŝafo
	O. orientalis	Azia ŝafo
	Ovis vignei	Urial
	Ovis ammon fu	Argalo

Linneo klasigis la aldomigitajn ŝafojn en 1758 en la specio Ovis aries. Kiam poste oni pruvis ke la nunaj aldomigitaj ŝafoj apartenas al la sama specio kiel ties natura praulo, la azia muflono klasigita kiel Ovis orientalis (orienta ŝafo), oni devis atribui ununuran sciencan nomon por ambaŭ. Ĝenerale en tiaj kazoj oni aplikus la principon de antaŭeco uzita en la scienca nomenklaturo, kiu regulas ke restu kiel specifa nomo tiu dekomence registrita, tiukaze aries. Sed la Internacia Komisiono pri Zoologia Nomenklaturo decidis en 2003 en la opinio 2027 ke la ŝafoj, same kiel aliaj 17 aldomigitaj specioj, devis esti nomigitaj laŭ ties natura varianto, tiukaze Ovis orientalis, por eviti la paradokson ke la antaŭaj stirpoj, nome la naturaj, estu nomigitaj kiel subspecioj de siaj posteuloj. Tiele la specifa nomo kiu restis por la hejmaj ŝafoj, muflonoj kaj urialoj estas Ovis orientalis, dum restis la termino aries kiel trinoma nomo kiu aludas al la hejma subspecio.^[2]