Villa do Prinçipe

A Villa do Prinçipe ò ancón Paxo do Dria Döia a Fasseu a l'é unn-a de principali ville de Zena, fæta into Çinqueçénto inte na zöna che, à l'epoca da seu costruçion, a l'ea fêua da-e miâge da çittæ^[1].

Costruîa comme rescidénsa privâ do prinçipe amiràlio zeneize Dria Döia, ch'o gh'à ascì òspitou inperatôri e rè. a no l'é mai stæta censîa comme Palàçio di Rolli da Repùblica de Zena perché a l'ea unn-a villa suburbann-a e no un paxo çitadìn. Da-a seu reggia, posta verso o Câo de Faro, donde gh'é a Lanterna, o Dria Döia o mantéva a seu influensa in sciâ çittæ restando à distansa do Pâxo do Dûxe, donde i aristocràtici decidéivan i destin da çittæ dòppo a restauraçion da Repùblica oligarchica^[1][2].

Dapeu o 2013, a Villa do Prinçipe o l'é de proprietæ do Trust Doria Pamphilj, un trust italian fæto da-a famiggia Doia, e a l'é averta a-o pùblico comme musêo^[3].

A facciâ a nord da Stradda San Benéito a l'e animâ da un portâle fæto da o Perin de Vaga e da o Sirvio Cosin, con o stemma di Doia e l'iscriçión latinn-a "Fundavit eam Altissimus". A facciâ a sud, verso o mâ, a l'é un zeugo de de colonnati, terrasse e lögie, con unn-a asimmetria particolâre. A decoraçion esterna, perdûa, a l'à avuo unn-a grande influensa in scia a schêua de pitûa zeneize, dai Semin a-o Luca Cangiâxo^[1][4].

I afrésci e i stûcchi de argomento mitologico son stæti eseguî da-o Perin do Vaga, con I Antenâti di Doia e E Virtu Romànn-e^[1][4]. Queste pitûe ean za famose à l'época: finn-a o Zorzo Vasari o l'à scrito de lô.

• Salón da Strasonâ di Giganti. A l'ea a sala principale do paxo do Dria Döia. Perin de Vaga o l'à fæto chi un capolavoro: A Strasonâ di Giganti.^[1][4]
• Sala da Caritæ Romana
• Camêra de Perseo
• Camêra di sacrifiçi
• Camêra do Cadmo
• Camêra do Zodiaco
• Sala do Paride
• Sala do Ercole

• Salón do Nettun o do naufragio
• Sala da Psiche
• Sala da Aracne
• Sala do Filemone
• Sala do Fetonte
• Sala do Tributo
• Sala do Trionfo
• Sala di fæti de Prometeo
• Sala da Punizion

Fâeta costruî da-o sucesô do Dria, Gioàn Dria Doia, a Galeria Aurea a l'e unn-a tipologia de spàçio alonghîo quæ into Seiçénto a l'à sostituîo a Sala di Gigànti comme sala de rapresentansa. Realisâ da-o Batìsta Canton e da-o Luca Carlon into 1595. A galerîa a l'e dita "Aurea" pe-a doratua fæta da-o Loenso Sparzo^[1][4].

I giardìn na vòtta anavan da-o molo privou do Dria Doia, finn-a a-quæxi a-a Gêxa de San Rocco. Pe rifornì d'ægua e fontann-e da so villa, o Doia o l'ha fæto fâ in lâgo artificiâle (o Lagasso), quæ oua o no gh'e ci, ma quæ o dâ delongo o nomme a-o quartiere do Lagasso. O giardìn italian verso o mâ, restaurou recentemente, o conserve a Fontann-a a do Triton, de Gioàn Angiou Montorsoli, e a Fontann-a do Nettuno do Taddeo, Giuseppe a Battista Carlon into 1599-1601. A parte de giardìn in sciâ colìnn-a de San Ròcco a gh'eiva na votta de scaine, di ninfei e unn-a statua do Zove de éutto metri, conosciûa da-i zeneixi comme "O Gigante", à base da-a quæ o l'é stæto sepolto o Gran Roldan, o cân do Dria Doia. Questo giardìn o l'é anæto perduo pe-a costruçion da ferrovia into 1854 e do Hotel Miramare fæto da o Gino Coppedè into 1913, mentre a statua de Zove a l'é stata demolia into 1939.^[1][4]

• Dria Doia
• Zêna

1. ↑ ^{1,0 1,1 1,2 1,3 1,4 1,5 1,6} (IT) Emmina De Negri, Catalogo delle Ville Genovesi, Zêna, Italia Nostra, 1967, pp. 79-97.
2. ↑ (IT) Gabriella Airaldi, Andrea Doria, Salerno Editore, 2015, ISBN 88-84-02951-1.
3. ↑ (IT) Genova - Doria Pamphilj, in sce doriapamphilj.it. URL consultòu o 28 òtôbre 2023.
4. ↑ ^{4,0 4,1 4,2 4,3 4,4} (IT) Touring clùb italiàn, Liguria, 7ª ed., Touring Editore, 2009, pp. 171-173, ISBN 88-36-54803-2.

• (IT) Emmina De Negri, Catalogo delle Ville Genovesi, Zêna, Italia Nostra, 1967, pp. 79-97.
• (IT) Touring clùb italiàn, Liguria, 7ª ed., Touring Editore, 2009, pp. 171-173, ISBN 88-36-54803-2.
• (IT) Laura Stagno, Palazzo del Principe, Villa di Andrea Doria, Zêna, SAGEP, 2005, ISBN 88-70-58935-8.
• (IT) Gabriella Airaldi, Andrea Doria, Salerno Editore, 2015, ISBN 88-84-02951-1.

• Wikimedia Commons a contêgne di files in sce Villa do Prinçipe‎

• (IT) Gli affreschi e gli stucchi, in sce doriapamphilj.it. URL consultòu o 28 òtôbre 2023.