Мраз

Мразот претставува цврста агрегатна состојба на водата. Водата во нормални услови преминува од течна во цврста агрегатна состојба на температура од 0 °C. Поради специфичното просторно распоредување на молекулите вода, мразот има помала густина од водата (за приближно 8,5%) и поради тоа плови на нејзината површина. Специфичната топлина на мразот е двојно помала од онаа на водата во течна состојба. Поради тоа мразот брзо се формира на површината на водата разладена на температура од 0 °C, а за неговото топење е потребно двојно помало количество топлина. Со зголемување на соленоста на водата се намалува нејзината точка на заледување. Така морската вода замрзнува на температура од -1,91 °C. Најголема количина лед во биосферата има на поларните капи.

Но мразот не е својствен само за водата. Всушност тој вид лед се нарекува воден мраз. Имено речиси секоја гасовита супстанца при одредена температура и притисок може да премине во состојба на мраз. Во вселената е познато постоење на воден мраз, но исто така има и на пример метански мраз на Плутон или мраз од амонијак на нешто поблискиот Уран.

• „Голомразица“ — песна на рускиот поет Владимир Висоцки.^[1]
• „Мразевите“ — песна на рускиот писател Борис Пастернак.^[2]
• „Пукањето на мразот“ — расказ на македонскиот писател Бошко Смаќоски.^[3]
• Коцка Мраз (англиски: Ice Cube) — американски рапер и глумец.^[4]
• „Куќа од мраз“ (англиски: Ice House) - песна на британската рок-група Кричрс (The Creatures) од 1983 година.^[5]
• „Заробен под мраз“ (англиски: Trapped Under Ice) — песна на американската хеви-метал група Металика (Metallica) од 1984 година.^[6]
• „Мраз“ (англиски: Ice) — песна на британската рок-група Стренглерс (The Stranglers) од 1979 година.^[7]
• „Ледено студен мраз“ (англиски: Ice Cold Ice) — песна на американската рок-група Хускер Ду (Husker Du) од 1987 година.^[8]

Оваа статија од областа на хемијата е никулец. Можете да помогнете со тоа што ќе ја проширите. п р у

„Мраз“ на Ризницата ?