Blue Steel - Bersaglio mortale
|
C'l artìcul chè 'l è scrit in
Miranduléś |
 Blue Steel
| ||
| Blue Steel - Bersaglio mortale | ||
 La Jamie Lee Curtis in na figùra dal film | ||
| Aśàł Blù - Barsàj murtàł 1989 | ||
|---|---|---|
| Regìa: Kathryn Bigelow | ||
| Scritōr: Kathryn Bigelow • Eric Red | ||
| Atōr: Jamie Lee Curtis • Ron Silver • Mary Mara Clancy Brown • Elizabeth Peña • Louise Fletcher | ||
| Müsica: Brad Fiedel | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî | ||
Blue Steel - Bersaglio mortale (Aśàł Blù - Barsàj murtàł) 'l è 'n thriller 'd asiòṅ americàṅ dal 1989 dla Kathryn Bigelow.
'L à muciâ òt migliòṅ e dū ad dòlar, gnint ad chè.
Sunt
L'agìnta Megan Turner (Jamie Lee Curtis) la s è péna misa a 'l pèt al distintìṿ dla pulisìa 'd New York quànd l'è custréta a sparàr a 'n rapinadōr armâ (Tom Sizemore) in un supermarcâ cupànd-al. Òṅ di cliènt, Eugene Hunt (Ron Silver), agìnt ad cambi a Wall Street, al pòrta via la pistòla a 'l làdar e acsè la pulisiòta la vèṅ suspéśa da 'l sò lavōr parchè in dal giudìsi di sò cap l'à eśagerâ in dal difénd'r-as.
Eugene al taca a 'vér n'usesiòṅ par la dóna in divìśa e al gh fila adrē ma 'd nòt al cópa anc dla gint par strada cuma na scaja (Toni Darling) ch'la 'l iva farmâ śibénd-ag ad far sès. Dòp avér-i masâ, al lasa par tèra di bòsui cun scrit insìma al nóm dla Megan. Al detective Nick Mann (Clancy Brown), ch'al gh'à 'l incàr'g ad far luś su cal caś chè, al fà da tut parchè la Turner la pòsa turnàr a lauràr in dla squàdra Umisìdi.
Eugene al và avànti cun al sò matéria e la masa anc n'amìga dla Megan, la Tracy Perez (Elizabeth Peña). In cal méntar la dóna la s liga dimóndi a Nick tant ch'la s inamóra 'd lò e la gh finìs a lèt ma Eugene al gh aspàra in dal méntar ch'al la gusa e lò 'l armàgn frî. Adès a tóca a la Megan dar-as da far par srar i cònt sèg na vòlta par tuti.