MEMS

La siggla MEMS l'è l'abreviasiòun da 'l ingléś Micro Electro-Mechanical Systems (in itagliàṅ microsistemi elettromeccanici) e la ciàma acsè i mecanìśem prodòt da la tecnulugìa dal microscòpic: el dimensiòun médi ed chi lavōr chè difàt i ìn śvèini a 'l micròmeter.
Chi bagàj ultra-cìc chè egl'ìn stē arcgnusû da mèś a 'l tecnulugìi più vàlidi dal XXI sécol, perchè i prèven cambièr soquànt procès vōt in dal camp industriêl che in quèl di prodòt dal cunsùm. I ìn ed diferèint gèner (mecànic, elètric, eletrònic) integrê in na forma dimòndi miniaturiśèda in sìm'a 'n ùnic substrêt ed silìs, in dû acsè i s mèt'n insèm el propietê elètrichi di semi-cundutōr cun dal propietê opto-mecànichi. Dàintr'a cal spasi tròp ardùt dal micròmeter, chi sistéma "inteligìnt" chè i mèt'n insèm el funsiòun eletrònichi, ed gestiòun di lìquid, dal vèder, biològichi, chìmichi e mecànichi, p'r unìr insèm tùti el funsiòun ed lavōr di procès.
Al futùr però l'è 'd drē a 'l ùs perchè al śvilùp edla tecnologìa al vōl purtèr vèrs i Nano Electro-Mechanical Systems o NEMS, in dùa i mecanìś'm ch'a se vrà andèr a prodùr i ìn śvèin a 'l dimensiòun dal nanòmeter.

I sistema microeletricmecanic, che dàspès i’ enn dit MEMS (gl’inizizël àd micro electromechanical systems), i’ enn un insemà àd dispusitiv microscopic àd natüra diversa (mecanic, eletric o eletronic) integré i’n sima a un stéss substré àd sustànsà semicondutura, àd esempi silicio, che i màtt’in semà àl qualité eletric d’li integré a semicondutur cu’l qualité opto-mecanic. As trata donca àd sistema “inteligent” che i màtàn insemà funzion eletronic, àd gestion di fluid, otic, biulogic, chimic e mecanic in t’un spasi ridutissim, tràndà insemà la tecnulugia di sensùr e d’li atuatur e tut i etàr divers funsion àd gestiòn di prucess. Às pérlà àncà àd NEMS (nano electro-mechanical systems) ciué àd sistemà pratcamènt uguéi ài MEMS ma àd na dimension nanometrica.