Morfa

Darn o wastatir isel, gan amlaf ar lan y môr ac yn enwedig ger aber afon, a orchuddir gan ddŵr o dro i dro, yw morfa. Mae'r defnydd o'r gair yn amrywio a gellir ei gymhwyso i ddisgrifio unrhyw gorstir neu gors, neu ros gwlyb neu weundir ar lan aber. Y term agosaf yn Saesneg yw salt-marsh neu sea marsh (er bod y term geiriadurol 'morfa hallt' wedi cael ei fachu am hynny).^[1]

Erthygl am y tirffurff yw hon. weler hefyd Morfa (gwahaniaethu).

Er ei fod yn dir diffrwyth ar un olwg, mae morfeydd yn gynefin bwysig i fywyd gwyllt, yn enwedig planhigion ac adar.