Maredudd ap Tudur

Aelod o deulu Tuduriaid Penmynydd o Ynys Môn oedd Maredudd ap Tudur (bu farw 1406); caiff ei gofio hefyd fel tad Owain Tudur.

Maredudd ap Tudur
Ganwyd	14 g
Bu farw	c. 1406
Dinasyddiaeth	Teyrnas Lloegr
Galwedigaeth	person milwrol
Tad	Tudur Fychan
Mam	Marged ferch Tomos
Priod	Margaret Fychan
Plant	Owain Tudur, Annes ap Tudor, Agnes ferch Maredudd ap Tudur Fychan ap Gronwy

Roedd Maredudd yn un o feibion Tudur Fychan (bu farw 1367). Rhannwyd tiroedd Tudur Fychan rhwng ei bedwar mab, ond nid oes sicrwydd pa diroedd etifeddodd Maredudd. Cofnodir iddo fod yn "ysiedwr" Môn cyn 1392, ac yn ysgwïer i Esgob Bangor yn 1404.

Fel ei frodyr, Rhys ap Tudur a Gwilym ap Tudur, roedd yn un o gefnogwyr gwrthryfel Owain Glyn Dŵr, er nad ymddengys iddo gymeryd rhan mor amlwg yn y gwrthryfel a'i ddau frawd. Collodd y teulu y rhan fwyaf o'u tiroedd o ganlyniad, ac aeth mab Maredudd i Lundain i geisio gwella ei sefyllfa, gan newid ei enw o Owain ap Maredudd i Owain Tudur neu Owen Tudor.