Annaba

Dinas yng ngogledd-ddwyrain Algeria yw Annaba (Arabeg: عنابة ʿAnnaba). Ei hen enw oedd Hippo, yn ddiweddarch Hippo Regius, yna Bône pan oedd yr ardal dan reolaeth Ffrainc. Roedd y boblogaeth yn 2008 yn 207,617.

Annaba

Math	commune of Algeria, dinas, dinas fawr
Poblogaeth	257,359
Cylchfa amser	UTC+01:00
Gefeilldref/i	Bizerte, Saint-Étienne, Communauté urbaine de Dunkerque, Ekaterinburg
Daearyddiaeth
Sir	Annaba District, Constantine Department, Bône Department
Gwlad	Algeria
Arwynebedd	49 km²
Uwch y môr	3 ±1 metr
Gerllaw	Y Môr Canoldir
Cyfesurynnau	36.9°N 7.77°E
Cod post	23000
Ffeiliau perthnasol ar Comin
[golygwch ar Wicidata]

Saif ar yr arfodir, yn agos at y ffin â Tiwnisia, ac mae'n brifddinas Talaith Annaba. Ceir prifysgol yma, oedd â thua 40,000 o fyfyrwyr yn 2004, a maes awyr rhyngwladol. Credir i'r ddinas gael ei sefydlu tua 1200 CC. Yn ystod y Rhyfel Pwnig Cyntaf, cipiwyd hi gan y Massyliaid dan Gala, a daeth yn brifddinas ei fab, Masinissa, gan gael yr ychwanegiad "Regius" at ei henw.

Mae'r ddinas yn enwog fel y ddinas lle'r oedd Awstin o Hippo yn esgob o 396 hyd 430 OC.^[1] Yn 431, cipiwyd y ddinas gan y fandaliaid dan Geiseric, a bu'n brifddinas eu teyrnas hyd nes iddynt gipio Carthago wyth mlynedd yn ddiweddarach. Yn 534, daeth yn rhan o'r Ymerodraeth Fysantaidd, yna yn 647 cipiwyd hi gan yr Arabiaid.

Yn yr 11g, sefydlodd yr Arabiaid ddinas newydd gerllaw yr hen ddinas, dan yr enw Beleb el-Anab. Yn 1830, newidiwyd ei henw i Bône gan y Ffrancwyr.