Andreas Vesalius

Anatomydd a meddyg o Fflandrys oedd Andreas Vesalius (Lladineiddio o'r enw Iseldireg Andries van Wesel) (31 Rhagfyr 1514 – 15 Hydref 1564). Roedd yn awdur llyfr dylanwadol ar anatomeg, De Humani Corporis Fabrica (Basel, 1543).

Andreas Vesalius
Portread o Vesalius yn ei De Humani Corporis Fabrica (1543)
Ganwyd	Andries Wytinck van Wesel  31 Rhagfyr 1514  Mont aux Potences - Galgenberg
Bu farw	16 Hydref 1564  Zakynthos
Dinasyddiaeth	Habsburg Netherlands
Alma mater	Prifysgol Paris Prifysgol Padova Hen Brifysgol Lefeven
ymgynghorydd y doethor	Gemma Frisius
Galwedigaeth	anatomydd, biolegydd, meddyg, llawfeddyg, academydd, ffisiolegydd, llenor
Cyflogwr	Prifysgol Pisa Prifysgol Bologna Prifysgol Padova
Adnabyddus am	De Humani Corporis Fabrica
Prif ddylanwad	Galen
Priod	Anne van Hamme

Fe'i ganwyd ym Mrwsel. Astudiodd ym Mhrifysgol Leuven (1528-32), ym Mhrifysgol Paris (1533-7) ac ym Mhrifysgol Padova, Gweriniaeth Fenis (1537). Yn syth ar ôl iddo gael ei ddoethuriaeth yn Padova, penodwyd ef yn athro llawdriniaeth ac anatomeg yno.

Ar ôl ei ymchwiliadau ei hun, fe ddaeth i'r casgliad bod llawer o ddamcaniaethau ffisiolegol hynafol Galen yn anghywir. Cynhwyswyd ei ddarganfyddiadau yn ei lyfr De Humani Corporis Fabrica, a gyhoeddodd pan oedd yn 28 mlwydd oed.

Yn fuan wedi cyhoeddi ei lyfr, penodwyd ef yn feddyg yn llys Siarl V, Ymerawdwr Glân Rhufeinig, ac yn ddiweddarach gwasanaethodd ei fab Philip II.

Yn ystod bererindod i'r Tir Sanctaidd ym 1564 bu farw pan gafodd ei longddryllio ar ynys Zakynthos.