8 di lugliu

• 1990: Kevin Trapp, ghjucadore di pallò alemanu

Santu Chilianu.

Chilianu era un frate irlandese natu versu l'annu 640. Partutu per evangelizà i paesi germanichi, predicò in Turingia, in Franconia, è po ghjunse in Würtzburg, capitale di a Baviera.

Fù ben accoltu da u duca chì si serebbi cunvertitu vulenteri, ma ci era un impedimentu: si era maritatu cù a moglia di u fratellu cum'è Erode in i tempi. Allora, Chilianu andò in Roma à cunsultà u papa. E' u papa disse chì, prima di esse battizatu, u duca devia rinnegà a moglia. Ellu ùn dumandava chè megliu chì a donna era gattiva è ùn li piacia più.

Ma ella tenia à u maritu. Un ghjornu chì u duca era in viaghju, fece tumbà à Chilianu è i so cumpagni. Sò stati interrati in una fossa prufonda cù tutti l'ornamenti è i vasi sacri. Era l'annu 689.

Quand'ellu ghjunse u duca, a moglia li disse ch'elli si ne eranu andati. E' cusì a Baviera restò pagana. Hè stata cristianizata una cinquantina d'anni dopu da San Bonifaziu.

Etimolugia: forse da l'irlandese "Koulman" forma brettona di Colombanu.

Nomi: Chilianu, Coloman, Kalman, Kilian, Killian, Liliane.[1]

• [https://web.archive.org/web/20060422085036/http://adecec.net/almanaccu2006.pdf Archiviu 2006-04-22 at the Wayback Machine L'almanaccu 2006 di l'Adecec]