Pío I
| San Pío I | |
|---|---|
| |
| Tinuod nga ngalan | Pio |
| Nagsugod ang Termino | 140 |
| Nahuman ang Termino | 154 |
| Gipulihan | Higinio |
| Mipuli | Aniceto |
| Natawo | ??? Aquiliea, Italya |
| Namatay | 154 Roma, Italya |
| Ubang mga Santo Papa nga ginganla'g Pio | |
Si Papa San Pío I usa ka Santo Papa sa Simbahang Romano Katoliko. Sumala sa Annuario Pontificio, siya milingkod gikan niadtong 142 o 146 ngadto sa 157 o 161.[1] Adunay uban nga nagtuo nga ang iyang papasiya midagan niadtong 140 hangto sa 154.
Gituhoan nga siya natawo sa Aquileia, sa amihanang Italya, ug "Rufinus" ang iyang amahan, kinsa gikan usab sa Aquileia sumala sa liber Pontificalis.[2] Giinngong si Pio ang nagtukod sa usa sa mga labing karaan nga simbahan sa Roma, ang Santa Pudenziana. Aunay miisip kaniya nga usa ka martir, gani gitala siya isip usa ka martir sa mga unang edisyon sa Breviary. Apan ang pagtuon nga maoy gigamit sa 1969 nga rebisyon sa Romano Katolikong kalendaryo sa mga santos miingon nga walay ebidensiya sa pagkamartir ni Papa Pio[3], ug wala usab siya itala isip martir sa Romanhong martirolohiya. [4]
Gitala sa Muratorianong Canon sa ikaduhang siglo,[5] ug sa Liberian Catalogue[6] nga siya maoy igsuon ni Hermas, ang nagsulat sa Ang Magbalantay sa Karnero ni Hermas. Ang nagsulat sa maong basahon miila sa iyang kaugalingon isip usa ka kanhi ulipon. Kini maoy sinugdan sa pipila ka ispekulasyon nga si Pio ug Hermas kanhi mga ulipon, apan gibuhian.
Ang piyesta ni Papa San Pio I pagasaulogon matag Hulyo 11.
Mga reperensya
[usba | usba ang wikitext]- ↑ Annuario Pontificio (Libreria Editrice Vaticana, 2008 ISBN 978-88-209-8021-4), P. 8*
- ↑ Ed. Duchesne, I, 132.
- ↑ Calendarium Romanum (Libreria Editrice Vaticana, 1969), p. 129
- ↑ Martyrologium Romanum (Libreria Editrice Vaticana, 2001 ISBN 88-209-7210-7)
- ↑ Ed. Preuschen, Analecta, 1, Tubingen, 1910.
- ↑ Ed. Duchesne, Liber Pontificalis, I, 5.