pennad

Eus penn, hag -ad.

  Anv-kadarn

pennad /ˈpɛnːat/ gourel (liester : pennadoù)

1. Pezh zo e-barzh ar penn, pe war ar penn:
   • ur pennad-blev; ur pennad brav, kaer, a vlev melen :
   • Kaout, tapout ur pennad, ur gwall bennad: #:droug-penn, poan-benn; a-wechoù sifern
2. soñj, mennad, mennozh

   Bountañ, lakaat, plantañ, sankañ, silañ pennadoù en un den.

   • He c'hoar eo an hini a vez o vouta pennadou enni. — (Jules Gros, Le trésor du breton parlé Deuxième Partie, 1970, p. 406.)
   • Piw e-neus boutet ar pennadou-ze enni ? — (Jules Gros, Le trésor du breton parlé Troisième Partie, 1974, p. 203.)
   • Heuliañ e bennad.
3. tamm

   ur pennad gwezenn, ur pennad moger, ur pennad-bazh, pennad gouloù-koar, ur pennad-kaoz

   • Dont a reaz da sonj dign enn eun taol, edo ganen, em godel, va benviachou tenna-tan hag eur pennad goulou koar. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 42.)
   • ... an avel-dro a vire ouc'h an tan da gregi em fennad goulou. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 51.)

   ur pennad brav : un tamm bras

   • Kerent Truilhennig o doa dastumet eur pennad brao a leve en eur werza koz kezeg treut, eskernek, da baotred-ar-c'hign ; [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 158.)

   ur pennad kousk, pennad kousket

   • Ober ur pennad kousk.

4. pennad-skrid
   • Skrivañ, sevel ur pennad skrid

   Ur pennad-blein : pennad-skrid a-bouez

5. bezañ e pennad da ober un dra: bezañ mennet, en-sell, da ober un dra.
6. A verk un hed : ur pennad hent, ur pennad brav, mat, a hent, a roud, a vale:
   • — « Mat ! me oar gant piv emañ ; ur pennad emañ ac'han, du-se er c'huzh-heol, gant Roue Breizh. [...]. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 46.)
   • Eur pennad brao a vale am boa da ober evit mont da Lanzeon, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 21.)
7. A verk ur pad : ur pennad-amzer, ur pennadig

   Ober udb ur pennad: chom ur pennad, gortoz ur pennad

   • Pa gavaz d'ign oa eat ar zoudarded eur pennad var hent Guitevede, e saviz euz va c'huz [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 136.)
   • — « [...]. Gortoz ur pennad, » emezañ dezhi, « [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 142.)

   Bezañ ur pennad oc'h ober udb

   ur pennad zo : abaoe ur pennad amzer

   ur pennad brav, ur pennad brav a amzer:

   • Eur pennad brao e oa bet eno. — (Jules Gros, Le trésor du breton parlé Deuxième Partie, 1970, p. 406.)

   ur pennad mat, ur pennad mat a amzer:

   ur gwall bennad:

   • Ur gwall bennad e kave dezhañ e ranke gedal, — (Lan Inizan, Emgann Kergidu 1, Brest, 1877, eil emb. Al Liamm 1977, p. 19.)