evit

(Araogenn) Meneget er C'hatholicon (1499)^[1] hag er Sacré collège de Jésus (1659)^[2]: euit.

Eus ar c'hrennvrezhoneg eguit, da geñveriañ gant ar c'herneveureg awos, hag ar c'hembraeg awydd (c'hoant). Diwar ur stumm koshoc'h *awoet. Etimologiezh diasur. Gwelet eget.^[3]

(Furm verb) Savet diwar « ev- », pennrann ar verb « evañ », hag an dibenn-ger « -it ».

  Araogenn

evit /eˈvit/

1. araogenn a verk ar pal
   • — Leveromp hor pedennou evit trugarekaat an Aoutrou Doue da veza herrio hon diouallet. [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 11.)
2. araogenn a verk ar priz
   • evit netra
   • Evit ul loen ho po anezhi. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 36.)
3. Araogenn amzeriañ :
   • evit ar beure
   • evit ar sizhun
   • evit ar bloaz
   • evit an deizioù
   • evit bremañ
   • evit c'hoazh
4. Araogenn an doareañ
   • evit doare
   • evit gwir
5. Araogenn an derez-uheloc'h:
   • — Ker kozh-se eo ; mes n'eo ket falloc'h evit-se. [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 168.)
   • evit biskoazh
6. en droienn na vezañ evit ober un dra bennak
7. Araogenn an enebiñ.
   • Evid en eun tu bennag emañ. — (Jules Gros, Le trésor du breton parlé Deuxième Partie, 1970, p. 552.)
   • nag evit se, na 'vit se.
   • evitañ da vezañ
   • en droienn evit a dra ma
8. Tu evit tu en troiennoù gant evit evel araogenn greiz.
   • Kaout gwenneg evit gwenneg.
   • — N'eo ket mado a c'houlennann,
     Buhe 'wit buhez a renkann ; — (Fañch an Uhel, Gwerziou Breiz-Izel 1, An Oriant, 1868, p. 342.)
   • tu evit tu
   • Reiñ gwadigenn evit gawadigenn.
   • Ha ne deo ket an dra-se reiñ d'an enebour bazhad evit bazhad, pen evit lavaret gwell, tenn evit tenn ? — (Lan Inizan, Emgann Kergidu 1, Brest, 1877, eil emb. Al Liamm 1977, p. 220.)
   • Treiñ tu evit tu : treiñ penn-da-benn, faire volte -face, SGDF, inverser les choses
   • Treiñ ger evit ger.
9. ster enebiñ
   • Ne horrekaez ket da vale, evidout da gosaad. — (Jules Gros, Le trésor du breton parlé Deuxième Partie, 1970, p. 183.)
   • An hini zo foll ez yaouank, Evit koshaat ne fura tamm.
10. e troiennoù adverbel
    • evit mat
11. stagell isurzhiañ: evit ma
12. evit da

• Breizh: "evit /eˈvit/"

• ober un dra bennak evit bennozh Doue
• ober un dra bennak evit ur bennozh Doue
• na vezañ evit ober un dra bennak

• Araogennoù brezhonek, stag  
• evit-kelo
• evit-doare
• evit gwir

  Furm verb

evit /ˈeː.vit/

1. Furm ar verb evañ en eil gour lies an amzer-vremañ, en doare-disklêriañ.
2. Furm ar verb evañ en eil gour lies an doare-gourc'hemenn.

Roll an daveoù :