Stagadenn:Distagadur/esperanteg
|
Distagadur yezhoù ar Wikeriadur. |
|
ar · bm · br · cs · de · el · en · eo · es · fi · fr · grc · hi · hu · is · it · ja · ko · la · mr · ne · nl · no · pl · pt · ro · ru · sa · sk · sq · sw · sv · tr · tsol · vi · vo · xh · zh |
Er bajenn-mañ emañ an notadur fonetikel evit an esperanteg.
Taolenn LFE an esperanteg
kemmañDistaget e vez al lizherennoù er memes doare bepred, petra bennak a vefe o flas er ger ha petra bennak a vefe al lizherennoù a ve en o raok pe en o goude.
Da skouer, ne vez ket friet ar vogalennoù heuliet gant un m pe un n er c'hontrol d'ar pezh a vez graet e brezhoneg.
| Lizherenn vihan | Pennlizherenn | Distagadur LFE | Kevatal brezhonek | Skouerioù (e brezhonek) |
|---|---|---|---|---|
| a | A | /a/ | a | askorn |
| b | B | /b/ | b | botoù |
| c | C | /ʦ/ | ts | tsunami |
| ĉ | Ĉ | /ʧ/ | tch | tchek |
| d | D | /d/ | d | den |
| e | E | /e/ | e | echu |
| f | F | /f/ | f | fri |
| g | G | /g/ | g | gad |
| ĝ | Ĝ | /ʤ/ | dj | adjudant |
| h | H | /h/ | h | hir |
| ĥ | Ĥ | /x/ | c'h | sac'h |
| i | I | /i/ | i | pik |
| j | J | /j/ | y | yen |
| ĵ | Ĵ | /ʒ/ | j | jabadao |
| k | K | /k/ | k | kazh |
| l | L | /l/ | l | lann |
| m | M | /m/ | m | mab |
| n | N | /n/ | n | noz |
| o | O | /o/ | o | torr-penn |
| p | P | /p/ | p | per |
| r | R | /ɾ/ | r | roue |
| s | S | /s/ | s | skol |
| ŝ | Ŝ | /ʃ/ | ch | sachañ |
| t | T | /t/ | t | tal |
| u | U | /u/ | ou | toull |
| ŭ | Ŭ | /w/ | w | gwenn |
| v | V | /v/ | v | aval |
| z | Z | /z/ | z | azen |
Vogalennoù
| A-raok | Kreiz | A-dreñv | |
|---|---|---|---|
| Serr | [i] i | [u] u | |
| Etre | [ɛ] e | [ɔ] o | |
| Digor | [a] a |
Kensonennoù
| Diweuz | Gweuz-dent | Gweuz-drekstaon | Dent | Kevig | Drekkevig | Staon | Drekstaon | Troc’h-avel | |
|---|---|---|---|---|---|---|---|---|---|
| Dre fri | [m] m | [n] n | |||||||
| Dre serriñ | [p] p [b] b | [t] t [d] d | [k] k [g] g | ||||||
| Dre fic'hal | [ʦ] c | [ʧ] ĉ [ʤ] ĝ | |||||||
| Dre daravat | [f] f [v] v | [s] s [z] z | [ʃ] ŝ [ʒ] ĵ | [x] ĥ | [h] h | ||||
| Dre dostaat | [w] ŭ | [j] j | |||||||
| A-gostez | [l] l | ||||||||
| Ruilhet | [ɾ] r |
Evezhiadennoù
kemmañ- Pa vez div arouezenn en un garrezenn e vez lakaet ar gensonenn divouezh da gentañ hag ar gensonenn mouezhiet a glot da c'houde.
- N'eo ket bet lakaet ar gensonenn dre fic'hal dz en daolenn met kavet e vez e-barzh un nebeud gerioù evel edzo « pried ». Sellet e vez outi evel ur strollad div gensonenn tra ma vez sellet ouzh an teir c'hensonenn dre fic'hal evel kensonennoù en o unan hag a vez skrivet gant ul lizherenn hepken : c, ĉ ha ĝ.
- An hantervogalennoù j hag ŭ a c'hell mont d'ober eil elfenn an diftongennoù : aj, ej, oj, uj, aŭ, eŭ. Diouzh savboent ar fonologiezh avat e tielfenner anezho evel ur c'henaozad fonemoù. Nevez 'zo ec'h implijer ŭ evit skrivañ ar soniad [w] e-barzh anvioù divoutin (Ŭato, Watt ; met Vaŝingtono, Washington).