Yezhoù baltek

Ar yezhoù baltek zo ur skourr eus ar yezhoù indez-europek, komzet er reter d’ar Mor Baltel.

Isrannet e vez ar yezhoù-se evel-henn :

• Yezhoù baltek ar reter:
  • Latveg
  • Lituaneg
  • Kouroneg pe yezh Kourland (aet da get)
  • Seloneg (aet da get)
  • Semigaleg pe Zemgaleg (aet da get)

• Yezhoù baltek ar c'hornôg:
  • Henbruseg pe Boruseg (aet da get e dibenn ar XVIIvet kantved)
  • Yatvingeg pe Sudoveg (aet da get)
  • ar skalvianeg (aet da get)
  • hag ar galindianeg (aet da get)

E-keñver traoù zo (ereadurezh, geriaoueg) e tenn ar yezhoù baltek, un tammig, d’ar yezhoù slavek. Abalamour da se e voder anezho a-wechoù en ur skourr yezhoù baltek-ha-slavek.

Implijet e vez al lizherenneg latin evit skrivañ an holl yezhoù baltek, a-wechoù gant un nebeud arouezioù diakritek ouzhpenn, evel : Č, Š, Ž, pe ar makron da verkañ hirder ar vogalennoù.

Dedennus-bras eo ar yezhoù baltek evit ar yezhoniourien a studi ar yezhoù indezeuropek, rak kavout a reer enno stummoù nebeut-emdroet hag a zo heñvel, moarvat, ouzh henstummoù an indezeuropeg kozh.