Liac'hven

Ul lia-vaen, liac'h-vaen, liac'h, liac'hven^[1], pe taol-vaen^{[2],[3],[4],[5]}, zo un aozadur mein e stumm un daol vras graet gant tud eus pobloù pe sevenadurioù en amzer a vez graet ar Ragistor anezhañ.
Hiziv e ouzer ez int bezioù goloet gant mein, savet etre dibenn ar Vvet milved kent JK ha dibenn an III milved kent JK en Europa. E broioù ar Reter-Pellañ ez eus bet savet un toullad ivez er Iañ milved kent JK.
Goloet e oa ar bezioù gant krugelloù, bernioù douar a vez graet tumuli anezho (tumulus en unander), ha ne chom netra anezho peurvuiañ.

liac'hven

Iskevrennad eus	megalithic tomb
Anv e kana	しせきぼ
Danvez implijet	megalith
Prantad	Neolitik, Oadvezh an arem, Kalkoliteg
Stumm	rectangular cuboid

En o stad a vremañ ez eo hañval al liac'hoù-maen ouzh taolioù, ken e veze soñjet e oant aoterioù pagan. E gwirionez ez int kambroù ma veze douaret korfoù, ha ribouloù dindan zouar e-barzh krugelloù a zo bet krignet hag aet da get tamm-ha-tamm a-hed ar c'hantvedoù.
A-wechoù e vez un trepas da vont enne, ur « rakkambr » dirak ar gambr a c'hall bezañ hirgarrezek, liestuek pe gelc'hiek.

• 
  Lia-vaen Costa Cauda, el Larzac, en Okitania
• 
  Lia-vaen Lamalou, Hérault, Okitania