Sachsen-Gotha-Altenburg
Sachsen-Gotha-Altenburg zo un dugelezh a zo bet en Alamagn etre 1672 ha 1825.
Savet e voe da varv an dug Friedrich Wilhelm III von Sachsen-Altenburg, pa voe roet an darn vrasañ eus e vadoù da Ernst Iañ von Sachsen-Gotha. Goude marv Ernst Iañ, en 1675, e voe rannet e zouaroù etre e seizh mab, hag ar mab henañ, Friedrich Iañ von Sachsen-Gotha-Altenburg, en doe kêrioù Gotha hag Altenburg: eñ an hini a voe kentañ dug Sachsen-Gotha-Altenburg.
Pa varvas divugel Friedrich IV von Sachsen-Gotha-Altenburg en 1825 e oa echu gant al lignez. Adlodennet e voe an doaroù en dugelezhioù sakson:
- staget e voe Sachsen-Gotha ouzh dugelezh Sachsen-Coburg-Saalfeld, hag a voe tennet Sachsen-Saalfeld diganti, ma teuas da vout Sachsen-Coburg und Gotha;
- roet e voe Sachsen-Altenburg da zug Sachsen-Hildburghausen, Friedrich Iañ von Sachsen-Hildburghausen ;
- roet e voe Sachsen-Hildburghausen da Sachsen-Meiningen
Aet eo douaroù an dugelezh kozh d'ober un darn eus stad Thüringen hiriv.
Duged ha Dugezed Sachsen-Gotha-Altenburg
kemmañ- 1640-1675 : Ernst Iañ (Sachsen-Gotha-Altenburg) ,
- dimezet da Elisabeth Sophia von Sachsen-Altenburg,
- 1675-1691 : Friedrich Iañ (Sachsen-Gotha-Altenburg), dimezet div wech
- 1691-1732 : Friedrich II (Sachsen-Gotha-Altenburg)
- dimezet da Magdalena Augusta,
- 1732-1772 : Friedrich III. (Sachsen-Gotha-Altenburg)
- dimezet da Luise Dorothea von Sachsen-Meiningen,
- 1772-1804 : Ernst II. (Sachsen-Gotha-Altenburg),
- dimezet da Charlotte von Sachsen-Meiningen,
- 1804-1822 : August (Sachsen-Gotha-Altenburg), dimezet div wech:
- 1822-1825 : Friedrich IV. (Sachsen-Gotha-Altenburg), diwezhañ dug an dugelezh.
| Porched Alamagn – Adkavit pennadoù ha rummadoù Wikipedia a denn da Alamagn. |