Mortepez
| |||
|---|---|---|---|
 | |||
| Rummatadur filogenetek | |||
| Riezad : | Animalia | ||
| Skourrad : | Arthropoda | ||
| Kevrennad : | Maxillopoda | ||
| Urzhad : | Pedunculata | ||
| Kerentiad : | Pollicipedidae | ||
| Genad : | Pollicipes | ||
| Anv skiantel | |||
| Pollicipes pollicipes Gmelin, 1789 | |||
D'ar vevoniezh   e tenn ar pennad-mañ. | |||
Ar vortepezenn, pe troad-moc'h, pe poch-pez, (Pollicipes pollicipes pe Pollicipes cornucopia), a zo ur c'hresteneg mor mat da zebriñ hag a vev stag ouzh ar reier. Droukvesket e vez a-wechoù gant ar garili.
Doareoù pennañ
[kemmañ | kemmañ ar vammenn]War-dro 5 cm eo he hirder. Un troad du skantek a ya d'ober lodenn izelañ he c'horf pa eo tric'hornek ha goloet a blakennoù arwenn (un dek plakenn vihan toget gant 5 plakenn vrasoc'h) he lodenn uhelañ. Etre ar plakennoù-se e vez gwelet ar gwiennoù du.
Neudennoùigoù a zispak diouzh un toull e penn ar plakennoù brasañ ha ganto e vez tapet krog er boued : ar plankton.
Annez
[kemmañ | kemmañ ar vammenn]Bevañ a ra ar vortepezenn stag ouzh ar reier goloet gant an uhelvor war aodoù mor Breizh ha re ar meurvor Atlantel, eus Bro-Saoz betek Senegal. Priziet-kaer eo el ledenez iberek hag aet eo da get e rannvedoù 'zo en abeg d'ur pesketaerezh drastus.
An anv
[kemmañ | kemmañ ar vammenn]Implijet e vez ar ger mortepez e Bro-Leon en un doare hengounel hervez Alan-Gwenog Berr (Ichtyonymie Bretonne, II § 141). Troad-moc'h a vez lavaret dre holl e Bro-Gwened ha poch-pez pe Pas-pez e Kerne.
