Tierniezhioù istor Sina

Kavet e vo amañ a-is un daolenn eus tierniezhioù istor Sina.

Evit ar pep brasañ, eo ar bloavezhiadoù roet amañ en daolenn ar re a vez a-du an holl warno, well-wazh, evit merkañ ar mareoù ma'z eus bet cheñchet penn d’ar galloud e Sina.

Koulskoude e chom c’hoazh un toullad mat a dabutoù war deiziadoù marevezh Zhou ar C'hornôg hag a-raok. Mat eo derc'hel da soñj ivez ne vez ket alies prop ha kempenn an istor hag eo bet dibaot ar gwechoù ma'z eo bet echuet sioul gant un dierniezh en ur leuskel he flas d'unan all raktal ha plaen. Alies-kaer e save tierniezhioù nevez pell a-raok na vefe taolet ar renad kozh d'an traoñ pe e kendalc'he tierniezhioù zo e-pad ur frapad goude bezañ bet trec'het. A zo muioc'h, e-pad pell eo bet rannet Sina en hec'h istor etre rannvroioù disheñvel renet gant strolladoù disheñvel. D'ar mareoù-hont ne oa tierniezh ebet o ren war ur Sina unanet.

A-walc'h e vo reiñ amañ ur skouer eus ar c'hemmesk a c'hall bezañ. Merkañ a ra 1644 an deiziad boas evit ar bloaz ma voe preizhet Beijing gant armeoù an dierniezh Qing a orin Mandchou. Evel-se e teue ren ar re Qing da vezañ mestr war kalonenn Sina e-lec'h tierniezh Ming. Padal eo bet diazezet an dierniezh Qing e 1636 (pe, zoken, e 1616 dindan un anv all) tra ma ne voe ket tu da derriñ eus e garg c'hoanteg diwezhañ kurunenn tierniezh Ming a-raok 1662. Kemm tierniezh a dro alies d'un afer padus ha kemplezh ha lakaat a reas ar c'hQinged tost ugent vloaz evit astenn o galloud war Sina a-bezh. Krediñ embann ez eus bet cheñchet penn d'ar vazh penn-da-benn e Sina e 1644 a vije ur fazi bras e-keñver ar pezh zo c'hoarvezet e gwirionez.

A-benn tapout muioc'h a vunudoù war an tierniezhioù rollet amañ hag o Impalaerien, heuilhit al liamm zo evito en daolenn. Klikit war IS evit istor an dierniezh, ha war IM evit un daolenn eus o Impalaerien (pe renerien all).

• Istor Sina
• Kronologiezh istor Sina
• Taolenn Monarked Sina

g • ka • ke Istor Sina Istor mojennel Tri Enorus ha Pemp Impalaer • Tierniezh Xia (2070-1600 a-raok J.-K.) Eil ha Iañ milved a-raok J.-K. Tierniezh Shang (1600-1046 a-raok J.-K.) • Tierniezh Zhou ar reter (1046-256 a-raok J.-K.) : Tierniezh Zhou ar c'hornôg (1046-771 a-raok J.-K.) • Marevezh an Nevezamzerioù ha Diskar-amzerioù (VIIIvet-Vvet kantved a-raok J.-K.) • Stadoù Brezelour (Vvet kantved-221 a-raok J.-K.) • Tierniezh Qin (221-206 a-raok J.-K.) • Han ar c'hornôg (206 a-raok J.-K. – 9 goude J.-K.) Iañ milved goude J.-K. Han ar c'hornôg (206 a-raok J.-K. – 9 goude J.-K.) • Tierniezh Xin (9-23) • Han ar reter (23-220) • Teir rouantelezh (Wei • Shu • Wu) · Tierniezh Jin (265-420) • Tierniezh Jin ar c'hornôg (265-317) • Tierniezh Jin ar reter (317-420) · C'hwezek rouantelezh (Norzh, 304-439) · Tierniezhioù ar su hag an norzh (420-589) · Sui (581-618) • Tierniezh Tang (618-690 et 705-907) · Zhou (690-705) • Marevezh ar pemp tierniezh hag an dek rouantelezh (907–979) • Tierniezh Liao (Sina an Norzh, 916-1125) • Tierniezh Song (960-1279) Eil milved goude J.-K. Impalaeriezh Sina Tierniezh Liao (Sina an Norzh, 916-1125) • Tierniezh Song (960-1279) • Xia ar c'hornôg (Kornôg, 1038-1227) • Tierniezh Jin (1115-1234) • Tierniezh Yuan (1271-1368) • Tierniezh Ming (1368-1644) • Tierniezh Qing (1644-1912) XXvet kantved Republik Sina (1912-1949) • Republik Pobl Sina (1949-2024) • Republik Sina (e Taiwan 1949-2024) Kronologiezh istor Sina • Tierniezhioù istor Sina

中文世界門戶 Porched ar bed sinaat — 找到關於中國的頁面 Adkavit ar pennadoù a denn d'ar bed sinaat.