George Everest

George Everest (1790 – 1866) a oa un ofiser kembreat en arme Breizh-Veur ha douaroniour. Karget e voe da sevel kartennoù eus India etre 1830 ha 1843.

Ganet e oa e Crucywel, Sir Frycheiniog (e Powys hiriv), e Kembre. Kenderc'hel a reas al labour boulc'het gant William Lambton en 1806, muzuliañ ar meridian adal kreisteiz India betek Nepal (war-dro 2400 km). E 1865 e voe kinniget gant ar Royal Geographical Society reiñ e anv d'ar Menez Everest petra bennak ma oa savet George Everest a-enep ar c’hinnig-se ; lavarout a rae e oa ret mirout d’ar menezioù o anvioù hengounel e yezhoù an tolead, anvioù a c’halle bezañ distaget gant tud ar vro. Bremañ eo anavezet evel “menez Everest” e kalz a yezhoù avat.