Takuk

Takuk (Basa Indunisia: gondok) adalah pambangkakan di gulu (di bawah halukum) marga kalanjar tiroid nang baganal.

Dalam basa kadukturan disambat panyakit kalanjar tiroid, di mana kalanjar ngini cagar mahasilakan hormon tiroid nang baguna manstimulasi mitabulisma matan sil-sil di awak. Rancaknya kasus kaganasan di kalanjar tiroid, labih tinggi tajadi lawan lalakian, wan amun tiroidnya sudah diangkat maka inya musti mamakan ubat saumur hidup marga kadaada lagi nang kawa mahasilakan hormon tiroid di dalam awak.

Janis Penyakit Takuk:

• Hipertiroid: Kaadaan ngini tajadi marga kalanjar tiroid talalu aktip mahasilakan hormon jadinya jumlah nang baulai di dalam darah jadi balabih.
• Hipotiroid: Kaadaan ngini tajadi marga kalanjar tiroid mahasilakan hormon dalam jumlah sadikit atawa randah.