Tetungkak

Tetungkak^[1] (hurup Arab Gundul: تتوڠکق) atawa tungkak^[1] (hurup Arab Gundul: توڠکق) atawa tunggak^[1] (hurup Arab Gundul: تتوڠݢق) atawa keneng^[1] (hurup Arab Gundul: کنڠ) entu atu bagèan deri kita punya awak punya sistim petulangan nyang adanya di sikil. Tetungkak sendèwèk entu tulang paling gedé deri dampal sikil. Ni tulang adanya di sebelah belakang nyang ngarain berat awak di atas tana ke belakang.

Mangkanya, ni tulang tetungkak gableg tugas gedé bakal ngejagjag berat awak, wabilhusus kapan lagi puter kayun atawa rari. Tungkak juga' gableg sendi, di sebelah atas tetungkak sesendian ama tulang tempat kekiongan ada èn di depannya ama tulang penyangcang ama jeriji kaki.