BMW X1

Аўтамабіль створаны на платформе ўніверсала BMW 3-й серыі. Адрозненні ў шасі — у Х1 іншыя цягі ў задняй шматрычагавай падвесцы і паваротныя кулакі падвескі McPherson спераду, а замест электрамеханічнага ўзмацняльніка руля ўсталяваны электрагідраўлічны. Прывад можа быць заднім (такія мадыфікацыі называюцца sDrive) або поўным (xDrive).

Вытворчасць аўтамабіля пачалася на заводзе ў Лейпцыгу, Германія ў кастрычніку 2009 года.

• sDrive18i — чатырохцыліндравы бензінавы рухавік аб'ёмам 1995 см³ (150 к. с.), задні прывад (выпуск гэтай мадыфікацыі пачаўся ў 2010 годзе)
• xDrive28i — радны шасціцыліндравы бензінавы рухавік аб'ёмам 2996 см³ (258 к. с.). У версіі пасля рэстайлінгу рухавік заменены на чатырохцыліндравы радны бензінавы рухавік аб'ёмам 1997 см³ (245 к.с. N20), поўны прывад.
• xDrive18d, sDrive18d — чатырохцыліндравы дызельны рухавік з турбанаддзіманнем аб'ёмам 1955 см³ (150 к.с.), поўны або задні прывад
• xDrive20d, sDrive20d — чатырохцыліндравы дызельны рухавік з турбанаддзіманнем аб'ёмам 1955 см³ (177 к. c. да рэстайлінгу, 184 к.с. пасля), поўны або задні прывад
• xDrive23d — чатырохцыліндравы дызельны рухавік з падвойным турбанаддзіманнем аб'ёмам 1955 см³ (204 к.с.), поўны прывад
• xDrive25d — чатырохцыліндравы дызельны рухавік з падвойным турбанаддзіманнем аб'ёмам 1955 см³ (218 к.с.), поўны прывад (пасля рэстайлінгу)

Аўтамабіль прайшоў тэст Euro NCAP у 2012 годзе:

Вынікі тэсту Euro NCAP, 2012[1]
	Балы	%
Бяспека дарослых пасажыраў	31,4	87%
Бяспека пасажыраў-дзяцей	42,1	86%
Бяспека пешаходаў	22,9	64%
Актыўная бяспека	5	71%
Пратэставаны аўтамабіль: BMW X1 2.0 diesel

Другое пакаленне "БМВ Ікс-1" была пабудавана на платформе «Міні-Кантрымэн» і «БМВ 2-ой серыі Актыў Тур’ер». Цяпер ён пярэднепрывадны. Але ў больш багатых камплектацыях прапануецца аўтаматычна падключаемы поўны прывад з электрамагнітнай муфтай у прывадзе задніх колаў. Памеры дадзенага красовера павялічыліся, а клірэнс паменшыўся ў параўнанні з мінулай генерацыяй з 195 мм да 183 мм. Пазадарожныя якасці навінкі пагоршыліся, затое павысілася дынаміка разгону, палепшылася эканамічнасць і знізілася вага аўтамабіля. BMW X1 стаў другім пярэднепрывадным аўтамабілем нямецкай маркі пасля BMW 2er Active Tourer.

Красовер выпускаўся на заводзе ў Рэгенсбургу, а ў жніўні 2017 года кантрактная вытворчасць пачалася яшчэ і на заводзе VDL Nedcar кангламерата VDL Groep (Борн, Нідэрланды)^[4][5].

Да 2016 года другое пакаленне BMW X1 было цалкам рэканструявана. Аўтамабіль стаў крыху больш вонкава і, цяпер, абсталяваны такімі тэхналогіямі бяспекі, як аўтаматычнае аварыйнае тармажэнне і сістэма выяўлення пешаходаў. Вытворца спрасціў мадэльны шэраг БМВ Х1 2016 года да выкарыстання толькі аднаго тыпу рухавіка — эфектыўнага 4-цыліндравага з турбанаддувам. Таксама, з гэтага часу ўсе версіі Х1 абсталяваны поўным прывадам, які быў створаны на базе канструкцыі пярэдняга прывада.^[6]

• sDrive18i — трохцыліндравы бензінавы рухавік аб'ёмам 1495 см³ (136 к. с.)
• xDrive20i — чатырохцыліндравы бензінавы рухавік аб'ёмам 1998 см³ (192 к. с.), поўны прывад
• xDrive25i — чатырохцыліндравы бензінавы рухавік аб'ёмам 1998 см³ (231 к. с.), поўны прывад
• xDrive18d, sDrive18d — чатырохцыліндравы дызельны рухавік з турбанаддзіманнем аб'ёмам 1955 см³ (150 к.с.), поўны або задні прывад
• xDrive20d — чатырохцыліндравы дызельны рухавік з турбанаддзіманнем аб'ёмам 1955 см³ (190 к.с.), поўны прывад
• xDrive25d — чатырохцыліндравы дызельны рухавік з падвойным турбанаддзіманнем аб'ёмам 1955 см³ (231 к.с.), поўны прывад

Спецыяльна для кітайскага рынку была зроблена падоўжаная да 4, 56 метраў версія X1 L^[7]. Яна атрымала індэкс F49.

Аўтамабіль прайшоў тэст Euro NCAP у 2015 годзе:

Вынікі тэсту Euro NCAP, 2015[8]
	Балы	%
Бяспека дарослых пасажыраў	34,5	90%
Бяспека пасажыраў-дзяцей	43	87%
Бяспека пешаходаў	26,7	74%
Актыўная бяспека	10,1	77%
Пратэставаны аўтамабіль: BMW X1 sDrive18d

У трэцім пакаленні для BMW X1 прапанаваны бензінавы, дызельны, гібрыдны варыянты, а таксама цалкам электрычны iX1.

На момант дэбюту прапанаваны два бензінавыя і два дызельныя рухавікі. Plug-in-гібрыдныя BMW X1 xDrive25e і BMW X1 xDrive30e маюць электрычны прывад на заднія колы, які спалучаецца з трохцыліндравым бензінавым рухавіком, які прыводзіць у рух пярэднія колы праз 7-ступеньчатую каробку перадач Steptronic з падвойным счапленнем^[9].

Усе мадыфікацыі — аўтамабілі з рухавіком унутранага згарання, plug-in-гібрыды і цалкам электрычныя — збіраюцца на адной вытворчай лініі ў Рэгенсбургу. 11 лістапада 2022 года стартавала вытворчасць электрычнага iX1^[10].

Мадыфікацыі для еўрапейскага рынка^[11]:

• X1 sDrive18i, 100 кВт (136 к.с.)
• X1 xDrive23i, 160 кВт (218 к.с.)
• X1 sDrive18d, 110 кВт (150 к.с.)
• X1 xDrive23d, 155 кВт (211 к.с.)
• X1 xDrive25e, 180 кВт (245 к.с.)
• X1 xDrive30e, 240 кВт (326 к.с.)
• iX1 xDrive30, 200 кВт (272 к.с.)

У красавіку 2023 года на Шанхайскім аўтасалоне былі прадстаўлены X1 для КНР: sDrive 20 Li (рухавік — бензінавы, трохцыліндравы, з турбанаддзіманнем; аб’ём — 1,5 л.; магутнасць — 156 к.с.), sDrive 25 Li і xDrive 25 Li (рухавік — бензінавы, чатырохцыліндравы, з турбанаддзіманнем; аб’ём — 2,0 л.; магутнасць — 204 к.с.), а таксама электрычны iX1 у мадыфікацыі з двума рухавікамі. Усе версіі для кітайскага рынка маюць колавую базу падоўжаную на 10 сантыметраў, каб даць больш месца заднім пасажырам^[12].

Вынікі тэсту Euro NCAP, 2022[13]
	Балы	%
Бяспека дарослых пасажыраў	32,8	86%
Бяспека пасажыраў-дзяцей	43,9	89%
Бяспека пешаходаў	41,1	76%
Актыўная бяспека	14,8	92%
Пратэставаны аўтамабіль: BMW X1 2.0 diesel X-Line

• Мадэль на афіцыйным сайце BMW