Сіфанафоры

Сіфанафоры
Партугальскі караблік (Physalia physalis)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Тып:  Жыгучыя Падтып:  Medusozoa Клас:  Гідроідныя Падклас:  Hydroidolina Атрад:  Сіфанафоры
Міжнародная навуковая назва
Siphonophorae Eschscholtz, 1829
Падатрады
Cystonectae Haeckel, 1887 Physonectae Haeckel, 1888 Calycophorae Leuckart, 1854
Сістэматыка на Віківідах Выявы на Вікісховішчы ITIS   718928 NCBI   42759 EOL   46549827

Сіфанафо́ры^[1] (Siphonophorae) — атрад беспазваночных жывёл класа гідроідных тыпу кішачнаполасцевых.

Выдзяляюць каля 170^[1] відаў (па іншых звестках 250). Пашыраны ў акіянах і морах з высокай салёнасцю вады, пераважна ў трапічных і цёплых водах да глыбіні 5000 м. Найбольш вядомыя партугальскі караблік (Physalia physalis), фізафора (Physophora hydrostatica).

Даўжыня цела ад 1 см да 3 м (разам са шчупальцамі да 20 м). Празрыстыя арганізмы, асобныя часткі цела яркія. Каланіяльныя, калоніі паліморфныя, складаюцца з асобін, якія выконваюць пэўныя функцыі: перамяшчэння (маюць пнеўматафор і «плавальны каўпак», або нектафор), кармлення (гастразоіды з доўгім рухомым прыдаткам, або «арканчыкам» з жыгучымі клеткамі), размнажэння (ганазоіды). Звычайна розныя асобіны калоніі сабраныя ў групы — кармідыі. Кормяцца дробнымі марскімі жывёламі.

Размнажэнне палавое. Лічынка (відазмененая планула) шляхам пачкавання ўтварае маладую калонію.

Некаторыя буйныя трапічныя сіфанафоры небяспечныя для чалавека: выклікаюць цяжкія апёкі і агульнае захворванне з павышэннем тэмпературы.

• Cystonectae Haeckel, 1887
• Physonectae Haeckel, 1888
• Calycophorae Leuckart, 1854

• Сіфанафоры // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 425—426. — 10 000 экз. — ISBN 985-11-0035-8. — ISBN 985-11-0238-5 (т. 14).