Джон Ліндлі

Джон Ліндлі
англ.: John Lindley
Дата нараджэння	5 лютага 1799(1799-02-05)[1][2][…]
Месца нараджэння	Old Catton[d], Broadland[d], Норфалк, Англія, Каралеўства Вялікабрытанія
Дата смерці	1 лістапада 1865(1865-11-01)[1] (66 гадоў)
Месца смерці	Тэрнем-Грын[d], Хаўнслоў[d], графства Вялікі Лондан, Вялікі Лондан[d], Англія, Злучанае каралеўства Вялікабрытаніі і Ірландыі
Месца пахавання	Эктан[d]
Грамадзянства	Злучанае каралеўства Вялікабрытаніі і Ірландыі
Бацька	George Lindley[d][3]
Маці	Mary Moore[d][3]
Жонка	Sarah Freestone[d][4][3][…]
Дзеці	Nathaniel Lindley, Baron Lindley[d][3], Sarah Lindley Crease[d][3][4], Barbara Lindley[d][4] і George Lindley[d][4][3]
Род дзейнасці	батанік, птэрыдолаг, брыёлаг, выкладчык універсітэта, пісьменнік, міколаг, рэдактар, мастак-ілюстратар навуковых прац, orchidologist
Навуковая сфера	батаніка
Месца працы	Універсітэцкі каледж Лондана[d]
Альма-матар	Norwich School[d]
Член у	Лонданскае каралеўскае таварыства Амерыканская акадэмія мастацтваў і навук Лонданскае Лінееўскае таварыства[d] Пруская акадэмія навук Леапальдзіна Баварская акадэмія навук
Узнагароды	Каралеўскі медаль Лонданскага каралеўскага таварыства
Медыяфайлы на Вікісховішчы

Сістэматык жывой прыроды
Аўтар найменняў шэрага батанічных таксонаў. У батанічнай (бінарнай) наменклатуры гэтыя назвы дапаўняюцца скарачэннем «Lindl.». Спіс такіх таксонаў на сайце IPNI Персанальная старонка на сайце IPNI Іншае, верагодна састарэлае, абазначэнне: Lindley Старонка на Віківідах Выявы на Вікісховішчы

Джон Ліндлі (Ліндлей) (англ.: John Lindley; 1799—1865) — англійскі батанік, садоўнік, знаўца сямейства архідных (Orchidaceae).

З 1829 па 1860 гады быў прафесарам батанікі ў Лонданскім універсітэце.

На працягу 40 лёт быў сакратаром Лонданскага таварыства садоўніцтва.

Нарадзіўся ў мястэчку Old Catton  (англ.) (бел., размешчаным недалёка ад Норвіча, і быў адным з чатырох дзяцей Джорджа і Мэры Ліндлі. Яго бацька быў уладальнікам пладовага гадавальніка, аднак, садаводчае прадпрыемства не прыносіла дастатковага прыбытку і сям'я жыла вельмі сціпла. Джон з юнацкасці дапамагаў бацьку ў садзе і займаўся зборам палявых кветак у наваколлях Норвіча. Адукацыю атрымаў у гімназіі Норвіча (Norwich School). Сям'я не магла падтрымаць яго паступленне ва ўніверсітэт і ў 1815 годзе ён стаў агентам бельгійскай фірмы па гандлі насеннем у Лондане.

У гэты перыяд ён знаёміцца з Уільямам Гукерам, які дапамог яму заняць месца асістэнта ў гербарыі Джозефа Банкса.

Сваю навуковую дзейнасць пачаў ён выданнем (у 1820 годзе) манаграфіі руж («Rosarum Monographia», з 19 табліцамі), у наступным годзе пачаў друкаваць «Collectanea Botanica» (I—VIII).

Ліндлі спачатку прыняў сістэму класіфікацыі раслін Дэкандоля, але потым у працы The vegetable Kingdom, грунтуючыся на новых пошуках, прапанаваў сваю класіфікацыю, якая складала ў сабе 7 класаў, 56 спалучэнняў, ці пераходных злучальных груп, і 303 сямействы. Пад імем «караняродных» (Rhizogenes) Ліндлі згрупаваў паразітуючыя бесхларафілавыя расліны; пад «сеткаватымі» (Dictyogenes) сабраў тыя з аднадольных, якія па лісцю і знешняму выгляду маюць падабенства з двухдольнымі; нарэшце, голанасенныя, ці хвойныя (Gymnospermes), пераназваў у Gymnogenes (галародныя).

За час навуковай дзейнасці ім было апісана некалькі тысяч відаў раслін^[5].

Батанічныя ілюстрацыі з прац Ліндлі: 1. Papaver bracteatum Lindl. з кнігі «Collectanea botanica», 1821 2. Verticordia nitens (Lindl.) Endl. з артыкула «A sketch of the vegetation of the Swan River Colony», 1839 3. тыпы кветак, малюнак з кнігі «An introduction to botany», 1835

• John Lindley. Rosarum Monographia. — London, 1820. (лац.) з 19 табліцамі
• John Lindley. Digitalium Monographia. — London, 1821. (лац.) з 28 табліцамі
• John Lindley. Collectanea botanica, or Figures and Botanical Illustrations of rare and curious Exotic Plants. — London, 1821.
• John Lindley. Synopsis of the British Flora. — 1829. (англ.)
• John Lindley. An introduction to botany by John Lindley etc. Second edition, with corrections and numerous additions. — Longman, Rees, Orme, Brown, Green and Longman, 1835. — 833 с. (англ.) 3 выд. — 1839
• John Lindley. A Systematic View of the Organisation, Natural Affinities, and Geographical Distribution,of the Whole Vegetable Kingdom; Together With the Uses of the Most Important Species in Medicine,the Arts, and Rural or Domestic Economy. — Longman, Rees, Orme, Brown, Green and Longman, 1836. (англ.) — у гэтым сачыненні, больш вядомым пад назвай A Natural System of Botany, Ліндлі выказаў сваю сістэму расліннага царства
• John Lindley. First principles of Botany. (англ.); пазней гэта сачыненне (у 1852 годзе выйшла сёмае выданне) з'явілася пад загалоўкам «Elements of Botany»
• John Lindley. The Genera and Species of Orchidaceous Plants. — Ridgways, Piccadilly, 1835. (англ.)
• John Lindley. The fossil Flora of Great-Britain. — London, 1831—1837. (англ.)
• John Lindley. Nixus plantarum. — Лондан, 1833. (лац.)
• John Lindley. Flora medica. — 1838. (лац.)
• John Lindley. Sertum orchidaceum. — 1838. (лац.)
• John Lindley. A sketch of the vegetation of the Swan River Colony / Edwards's Botanical Register. — 1839. — Т. 1.
• John Lindley. The theory of horticulture. — 1840. (англ.)
• John Lindley. Pomologia Britannica. — 1841. (лац.)
• John Lindley. The vegetable Kingdom. — London, 1845—1847. (англ.)
• John Lindley. The flower garden. — London, 1851—1853. (англ.)

Карл Кунт у гонар Ліндлі назваў род раслін Ліндлея (Lindleya Kunth, nom. cons.)^[6], які адносіцца да сямейства Ружовыя (Rosaceae).

• Линдлей, Джон // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907. (Праверана 30 лістапада 2008)