Рорус

Рорус пд.-саамск.: Plassje Герб Краіна  Нарвегія[1] Каардынаты 62°34′27″ пн. ш. 11°22′59″ у. д.HGЯO Кіраўнік Isak Veierud Busch[d][2] Заснаваны 1838 Плошча 1 956,46 км² (1 студзеня 2020)[3] Вышыня цэнтра 628 м Насельніцтва ▲5 598 чал. (1 студзеня 2023)[4] Часавы пояс UTC+1 Афіцыйны сайт roros.kommune.no (нарв.) Рорус на карце Нарвегіі

Медыяфайлы на Вікісховішчы

Рорус (нарв.: Røros, паўд.-саамск. Plassje) — горад і камуна ў Нарвегіі, у фюльке Сёр-Трондэлаг. Цэнтр аднайменнага муніцыпалітэта. Размешчаны недалёка ад мяжы са Швецыяй, пры ўпадзенні ракі Рэа ў самую доўгую ў Нарвегіі раку Глома, выток якой знаходзіцца на тэрыторыі муніцыпалітэта. Цэнтр горада з’яўляецца аб’ектам сусветнай спадчыны ЮНЕСКА.

З XVII стагоддзя Рорус быў важным цэнтрам здабычы медзі. Двойчы — у 1678 і 1679 гадах — спалены дашчэнту шведскай арміяй падчас дацка-шведскай вайны. Пасля вайны права на распрацоўку радовішчаў медзі перайшло да нямецкага банкіра Ёахіма Іргенса, найважнейшага крэдытора дацкай кароны, які атрымаў тытул барона фон Вестэрвік і стаў адным з найбагацейшых магнатаў Скандынавіі. Рорус быў зноў захоплены шведскімі войскамі ў 1718 г. падчас Паўночнай вайны, аднак пазней шведы былі вымушаныя пакінуць горад і адступіць у горы, дзе ад холаду загінула больш за 3000 салдат.

У цэнтры Роруса захавалася шмат драўляных будынкаў часоў росквіту горнай справы. У 1980 годзе Рорус быў уключаны ў спіс аб’ектаў сусветнай спадчыны ЮНЕСКА.

Рорус знаходзіцца на Рорусскай чыгуначнай лініі, якая злучае Осла і Тронхейм праз даліну Гломы. У горадзе маецца таксама аэрапорт з рэгулярнымі рэйсамі ў Осла (авіякампанія Widerøe).

Самая нізкая зафіксаваная тэмпература ў Рорусе — −50,4 °C (1914 год), што робіць яго самым халодным месцам у Нарвегіі на поўдзень ад Фінмарка.