[go: up one dir, main page]
Перайсці да зместу

Rust

З Вікіпедыі, свабоднай энцыклапедыі
Версія для друку болей не падтрымліваецца і можа мець памылкі апрацоўкі. Калі ласка, абнавіце закладкі браўзеру і выкарыстоўвайце ўбудаваную функцыю друку браўзеру.
Rust
Семантыка мультыпарадыгмавая
З’явілася ў 2006[1][2]
Аўтар(ы) Грэйдан Хор[d]
Пашырэнне файлаў .rs, .rlib
Тыпізацыя даных афінная, выведзеная, намінальная, статычная, строгая
Зведала ўплыў Alef[d][3], C++[3], C#[3], Cyclone[d][3], Erlang[3], Haskell[3], Limbo[d][3], Newsqueak[d][3], OCaml[d][3], Ruby[3], Scheme[3], Standard ML[d][3] і Swift[3]
Паўплывала на Idris, Swift, Zig
Ліцэнзія Apache Software License 2.0[d][4][5] і ліцэнзія MIT[d][4][5]
Сайт rust-lang.org

Rust (Ра́ст, ад англ.: rust — іржа) — мультыпарадыгмавая кампіляваная мова праграмавання агульнага прызначэння, якая забяспечвае прадукцыйнасць, паралелізм і бяспеку тыпаў. Rust можа спаборнічаць па хуткасці і магчымасцях з C/C++[6], аднак дае вялікую бяспеку пры працы з памяццю. Кіраванне памяццю ажыццяўляецца без выкарыстання зборшчыка смецця або падліку спасылак, прысутных у іншых мовах; Rust адсочвае час жыцця ўсіх спасылак у праграме падчас кампіляцыі. Rust выкарыстоўваецца для сістэмнага праграмавання, у прыватнасці, разглядаецца як перспектыўная мова для распрацоўкі ядраў аперацыйных сістэм[7]. Таксама прапануе функцыі высокага ўзроўню, напрыклад, некаторыя канструкцыі функцыянальнага і аб’ектна-арыентаванага праграмавання.

Распрацоўшчык праграмнага забеспячэння Грэйдан Хор пачаў ствараць Rust як уласны праект падчас працы ў Mozilla Research у 2006 годзе. Mozilla пачала афіцыйна спансаваць праект у 2009 годзе. Першая стабільная версія (1.0) выйшла 15 мая 2015 года, пасля чаго новыя версіі выходзяць раз на 6 тыдняў.

У лютым 2021 года пяць кампаній-заснавальнікаў — AWS, Huawei, Google, Microsoft і Mozilla — абвясцілі аб стварэнні некамерцыйнага фонда Rust Foundation, які атрымаў усе правы на Rust. У красавіку 2021 года Google абвясціў, што будзе падтрымліваць Rust у рамках праекта Android Open Source Project ў якасці альтэрнатывы C/C++.

Сем гадоў запар з 2016 па 2022 год Rust займае першае месца ў спісе самых улюбёных моваў праграмавання («Most loved programming languages») па версіі штогадовага апытання распрацоўшчыкаў Stack Overflow Developer Survey.[8]

Прыклад

Прыклад напісання праграмы Hello world: 

fn main() {
    println!("Hello, World!");
}

Гл. таксама

Зноскі

  1. ↑ https://prev.rust-lang.org/id-ID/faq.html Праверана 24 лютага 2019.
  2. ↑ Rust Essentials — first — P. 1.
  3. ↑ а б в г д е ё ж з і к л м Influences - The Rust Reference
  4. ↑ а б GitHub — 2007.
  5. ↑ а б https://github.com/rust-lang/rust/blob/master/COPYRIGHT
  6. ↑ Walton, Patrick. C++ Design Goals in the Context of Rust (англ.) (5 снежня 2010). Праверана 8 снежня 2022.
  7. ↑ Amit Levy, Bradford Campbell, Branden Ghena, Pat Pannuto, Prabal Dutta, and Philip Levis The Case for Writing a Kernel in Rust(англ.) // Proceedings of the 8th Asia-Pacific Workshop on Systems : зборнік. — ACM, 2017. — С. 1—7. — ISBN 978-1-4503-5197-3. — DOI:10.1145/3124680.3124717
  8. ↑ Stack Overflow Developer Survey 2022 (англ.). — «Rust is on its seventh year as the most loved language with 87% of developers saying they want to continue using it.»  Праверана 8 снежня 2022.

Спасылкі

Узята з "https://be.wikipedia.org/w/index.php?title=Rust&oldid=4682328"