Суджа: Розніца паміж версіямі

Горад Суджа руск.: Суджа Герб Сцяг Краіна  Расія[1] Рэгіён Курская вобласць Каардынаты 51°11′29″ пн. ш. 35°16′14″ у. д.HGЯO Заснаваны 1664 Першая згадка XVII стагоддзе Плошча 4 км² Вышыня цэнтра 135 м Насельніцтва ▼4 941 чал. (2024)[2] Часавы пояс UTC+03:00 Тэлефонны код 47143 Паштовыя індэксы 307800 Афіцыйны сайт sudzha.gosuslugi.ru (руск.) Суджа на карце Расіі ±

Медыяфайлы на Вікісховішчы

Суджа (руск.: Суджа) — горад у Расіі, адміністрацыйны цэнтр Суджанскага раёна Курскай вобласці. Горад размешчаны на тэрасе рэк Суджа і Алёшня (басейн Дняпра), за 105 км ад Курска.

Заснавана на Вішнёвым гарадзішчы перасяленцамі з Рэчы Паспалітай у 1661 годзе. Была ўмацавана земляным валам (пазней збудаваны астрог, які неаднаразова перабудоўваўся), да 1664 года кіравалася выбарным атаманам з ліку жыхароў. У 1664 уведзена ваяводскае кіраванне, у 1665 вызначаны межы Суджанскага павета. Да 1765 года сотаны горад Сумскага слабадскога казацкага палка (сфармаваны ў 1651). Паветовы горад Кіеўскай губерні (1708-27), уваходзіў у Абаянскую правінцыю (паміж 1708 і 1719), Белгародскую правінцыю (1719-27). Паветовы горад Белгародскай правінцыі Белгародскай губерні (1727-79), Курскай губерні (1779—1924; да 1796 Курскае намесніцтва). Да 1751 г. мясцовыя жыхары карысталіся правам бяспошліннага вінакурэння. У XVIII—XIX стст. важны гандлёвы цэнтр для мясцовай аграрнай акругі (збыт хлеба, жывёлы, рыбы, дзёгцю, садавіны, ботаў, металічных вырабаў і інш.). Развіваліся рамёствы, жыхары займаліся таксама хлебаробствам. У 1910 годзе ў Суджы адкрыта дывановая школа-майстэрня (промысел здаўна існаваў у Суджанскім павеце). У 1893 годзе адкрыты рух па чыгуначнай лініі Коранева — Суджа (вузкакалейная; разабрана ў 1920-я гады), у 1911 — па лініі Льгоў — Готня, якая прайшла праз Суджу.

Савецкая ўлада ўсталявана ў пачатку снежня 1917 года. У красавіку — лістападзе 1918 года Суджа была занята германскімі і ўкраінскімі войскамі. 15 чэрвеня 1918 года ўключана ўрадам П. Скарападскага ў склад Украінскай дзяржавы. 22 лістапада 1918 г. занята савецкай 2-й Украінскай паўстанцкай дывізіяй. У лістападзе 1918 — студзені 1919 года ў Суджы размяшчаўася Часовы рабоча-сялянскі ўрад Украіны. У жніўні 1919 занята Узброенымі сіламі Поўдня Расіі, у ходзе баёў у жніўні — верасні некалькі разоў пераходзіла з рук у рукі, 26 лістапада 1919 занята часцямі РСЧА.

Валасны цэнтр Льгоўскага павета Курскай губерні (1924-28). Раённы цэнтр Льгоўскай акругі Цэнтральначарназёмнай вобласці (1928-30), Цэнтральначарназёмнай вобласці (1930-34), з 1934 Курскай вобласці. У Вялікую Айчынную вайну акупавана германскімі войскамі 18 кастрычніка 1941 года. Вызвалена войскамі Варонежскага фронту Чырвонай Арміі 3 сакавіка 1943 г. у ходзе Харкаўскай наступальнай аперацыі.

Заводы трактарных агрэгатаў, будматэрыялаў, харчовая прамысловасць.