Sid-Dakota

Hauptstod:

Pierre

Stootsmotto:

Under God the people rule

Fläch:

199.731^[1] km²

Eihwohna:

814.180 (Zensus 2010) (4 E. / km²)

Mitglied seit:

2. Novemba 1889

Zeit:

Mountain: UTC-7/-6
Central: UTC-6/-5

Häxda Punkt:

2.207 m (Harney Peak)

Durchschn. Hächn:

670 m

Diafsta Punkt:

294 m Big Stone Lake

Gouverneur:

Dennis Daugaard (Republikanische Partei)

Post / Amt / ISO

SD / / US-SD

Koartn vo Sid-Dakota

Sid-Dakota oda amtli: South Dakota is a Bundesstoot im neadlichn mittlan Westn vo de USA. Da Nom kimmt vo de Dakota-Indiana, de wo zua Haptgruppm vo de Sioux ghean.

Sid-Dakota is 199.731 km² grouß und hod ebba 800.000 Einwohna. De gresste Stod is Sioux Falls, de Haptstod is Pierre. In Sid-Dakota gibts mearane Indianareservat, bsundas vo de Lakota. Da Bundesstoot hod innahoib vo de USA en viathechstn Bevökarungsotei vo Indianan (ebba 8%); und zwoa noch Alaska, Oklahoma und New Mexico.

Sid-Dakota is vo de Bundesstootn Noad-Dakota, Minnesota, Iowa, Nebraska, Wyoming, und Montana umgem. De Prärie (Groslond) is as dominiarende Biotop. Duachn Fluss Missouri wead da Stoot in zwoa Hejftn teit.^[2] Da Großtei vo da Bevökarung lebt im Westn vom Fluss, im Ost iwawiegt as Farmlond. Im Sid-Westn lieng de Black Hills, de wo fia de Indiana a große spirituelle Bedeitung hom.

Sengswiadigkeitn

Black Hills mit dena Black Hills Hejn (Caves)
Crazy Horse Denkmoi (Crazy Horse Memorial) - analog zu de Presidentnschädl vom Mount Rushmore is a riesigs Denkmoi mit an Kopf vom legendärn Haiptling Crazy Horse in am Beag in de Black Hills entstondn; owa aa des wead vo vui Indianan ois Sakrileg ogseng.
Historisches Stodzentrum vo Deadwood
Jewel Cave National Monument
Mount Rushmore Denkmoi (Mount Rushmore National Memorial) - mit de via Presidentn: George Washington, Thomas Jefferson, Theodore Roosevelt und Abraham Lincoln im Beag einigmeißlt. Des Denkmoi guit ois "Heilignschrein" vo da amerikanischn Demokratie; fia de Indiana is des owa a Entweihung vo eanare heilign Beag (Black Hills).
Nationalpark (State Parks)
- Custer State Park
- Bear Butte State Park
- Lake Herman State Park

Berihmtheitn

John Gutzon de la Mothe Borglum, Buidhaua vom Beag Rushmore
Sitting Bull, Haiptling und Medizinmo vo de Hunkpapa-Lakota
Seth Bullock, US-Marshal vo Sid-Dakota
Red Cloud, Haiptling vo de Oglala-Lakota
Crazy Horse, Haiptling vo de Oglala-Lakota
Calamity Jane, Frontfrau und Westernhejdin z Deadwood
Wild Bill Hickok, Revolvahejd und professionella Spuija z Deadwood

Beleg

↑ Density Using Land Area
↑ Hasselstrom, Linda M. (1994). Roadside History of South Dakota. Missoula, S. 2–4.

Im Netz

Commons: Sid-Dakota – Sammlung vo Buidl, Videos und Audiodateien

Hoamseitn vo Sid-Dakota (englisch)
South Dakota Office of Tourism

USA: Bundesstootn, Distrikt, Aussengebiet

Bundesdistrikt: Washington, D.C.

[1] Density Using Land Area

[eastwestriver-2] Hasselstrom, Linda M. (1994). Roadside History of South Dakota. Missoula, S. 2–4.

[1]

[2]