Honshu

Honshū (jap. : 本州, Haptprovinz; domois hod's aa Hondo ghoassn^[1]) is de gressde Insl vo Japan und wead a japanischs „Keanland“ gnennd. Im Noadn is' duach d'Tsugaru-Strossn vo da Insl Hokkaido und im Sidn duach d'Seto-Inlandsää vo da Insl Shikoku trennd. Im Sidwestn liegd de Insl Kyushu. Vo dea is Honshu duach d'Meearesstrossn vo Shimonoseki trennd.

Af Honshū liegd d'Hapdstod vo Japan, Tokyo.

Honshu is uma 1300 km laung und hod a Broadn zwischn 50 und 240 km. De Fläch is 230.500 km², des is uma 60 % vo da japanischn Gsaumtflächn. D'Gstodlinie hod a Läng vo 5450 km. Da häxde Punkt vo da Insl und vo Japan is da Beag Fuji mid 3776 m Hechn.

Honshū hod vü Beag und vü Vuikanausbrich, desweng gibd's a oft Eadbeem. As große Kanto-Eadbeem im Septemba 1923 hod Tokyo an schwean Schodn brochd, 1995 san ban Eadbeem vo Kōbe 1995 6400 Leit gstorm.

De Insl is in 34 Prefektuan eihteid und in de fimf japanischn Regiona afteid:

• :中国 Chūgoku (im Westn)
• :近畿 Kinki (im middlan Westn)
• :中部 Chūbu (im Zentrum)
• :関東 Kantō (im Ostn)
• :東北 Tōhoku (im Noadn)

2000 hom in Honshu 100 Mio. Leit glebd. (1975: 89 Mio.) In da Kantō-Ebane in und um Tokyo und Yokohama wohna 25 % vo olle Eihwohna vo Honshu. De ibring gressan Städt vo da Insl san Kioto, Osaka, Kobe, Hiroshima, Akita und Nagoya.

 Commons: Honshū – Sammlung vo Buidl, Videos und Audiodateien

1. ↑ Pohl, Manfred: Kleines Japan-Lexikon. Beck, München 1996, ISBN 3-406-39861-8.

36.312408333333138.737625Koordinaten: 36° 19′ N, 138° 44′ O