Grantla

Da Grantla, aa Grantler, is a mirrischa, im Heazn owa r a guadmiatiga Mensch. Ana dea gean grantlt, dea imma unzfriedn is, umanand kepplt, schlecht aufglegt und zänkisch is. Des Wuat kummt vo grennen, wos murrn, brumman oda knurrn haaßt.

Noch Bayern oda Östareich Zuagraste fiachtn an Grantla. Da Grantla is owa im Untaschied zum Suderer (Raunza, Nergla) - dem ma nia wos Recht mochn kaun - durchaus sympathisch und wiad in da Kunst und in de Medien gean doagstöd. Archetypische Grantla san zum Beispüü da Alois Hingerl (Ein Münchner im Himmel vom Ludwig Thoma) und da Mundl (A echta Weana geht net unta). Des Grantln wiad sogoa ois Blues des Südens beschriem.^[1]

• Grantlhuaba (Grantlhuber)
• Grantscheam (Grantscherben)

• Ernst Happel woa ana vo de berihmtestn östarreichischn Fuassboitraina.^[2]
• Alois Hingerl, de Hauptfigua in "Ein Münchner im Himmel" von Ludwig Thoma
• Da Mundl aus der Serie "A echta Weana geht net unta" is a typischa Weana Grantla
• De Figuan vum Kabarettistn Gerhard Polt san meistns typische Grantla
• Arthur Schopenhauer, da philosophische Grantla
• Walter Sedlmayr, da Schauspüla, woa a berühmta Doastölla vo bairischn Grantlan
• Gustl Bayrhammer, fia den guit des Gleiche
• Karl Valentin is da bayerische Archetyp vo an Grantla
• Da Hans Moser is a weidas Beispüü fia so a Person

1. ↑ Grasberger Thomas: Grant. Der Blues des Südens, Minga 2012.
2. ↑ Jens Kirschneck, Trainer-Ikone Happel - Hochverehrter Grantler, Spiegel Online, 26.12.2005

• Grasberger Thomas: Grant. Der Blues des Südens. Diedrichs, 2. Auflog, Minga 2012. ISBN 978-3-424-35070-8

• BR-Online üba Grantla