Auf

Auf Uhu
Taxonomie
Glass: Fegl (Aves) Untaglass: Neikiefafegl (Neognathae) Ordnung: Aina (Strigiformes) Famui: Echte Aina (Strigidae) Goddung Bubo Ort Auf
Wissnschoftlicha Nom
Bubo bubo
Linnaeus, 1758

Da Auf oda Uhu (Bubo bubo, engl.: owl) is de grässte Oart aus da Ordnung vo de Aina (Strigiformes). Er kimt in fost olle Gegadn vo Eiropa und Asien fia; in Deitschland gibts umara 800 bis 900 Bruadbaal vo eam, in Estareich uma 320 (Stond: 2004).

Da Auf hod an massign Keapa und dickn Schädl mid Fedaoawaschln. De Aung san orange-gejb. Sein Bruadplotz suacht a oft in Fejsn oda in an Beaghang, nua sejtn in Gebaidn. Da Grund dafia is, dass da Fux und da Marda junge Auf fressn. Fia an ausgwoxnan Auf ko nua da Odla gfährle wean.

Auf und Uhu keman vo dasejm Wotwuazl: oidhochboarisch "buf", middlhochboarisch "uve" - vo lateinisch "bubo"; lautmolarisch vom Schrei vom Uhu. Bei "Auf" is zua Diphtongiarung vom langa "u" keman, des wo fias Boarische tipisch is (vgl. Hus > Haus), obwois nacha natiale neama lautmoarisch is; deshoib ko ma aa Uhu gejtn loss.

• 
  A Uhu mandlt si auf (Drohvahoidn)
• 
  Junguhus auf da Huat
• 
  A Porträt vo an Uhu
• 
  Bubo bubo bubo

• Aebischer: Eulen und Käuze. Haupt, Bern 2008, ISBN 978-3-258-07276-0.

 Commons: Uhu (Bubo bubo) – Oibum mit Buidl, Videos und Audiodateien

• Arbeitsgemeinschaft zum Schutz bedrohter Eulen (AG Eulen) - Bundesarbeitsgruppe (BAG) Eulenschutz Naturschutzbund Deutschland (NABU)