Tétris

Tétris inggih punika silih tunggil plalianan marupa teka-teki. Wasta plalianan puniki mawit saking pangawit numerik Yunani tétra sané artosnyané wangun sané madué papat pahan. Plalianan puniki kakaryanin tur kaprogram olih Aléxéy Pajitnov ring warsa 1985, ritatkala dane makarya ring Pusat Komputer Dorodnicyn magenah ring Akademi Sains Uni Soviét ring Moskow.^[1]

Plalianan puniki wénten ring makudang-kudang sarana, sakadi konsol plalianan, komputer pribadi, hapé, pemutar média protabél, PDA tur wenten dados rahasia ring produk non-média sakadi osiloskop. Plalian puniki kasus ring makudang-kudang galah. Ring warsa 2007, manut IGN, Tétris dados genah nomor dua ring "100 Plalianan pinih becik aab jagaté".^[2]

Tétris puniki marupa puzzle kakaryanin krana madué inspirasi saking plalianan puzzle péntominos, sané nganggén wentuk pola-pola khusus. Kautamayan saking plalianan puniki inggih punika ring galah, utsaha, miwah konséntrasi ageng ring siki kegiatan sane ngawinang mauwahnyane pikayunan, pengalaman, ipian, miwah sané lianan, tur ketah kawastanin tétris effect.^[3]

Ring plalianan puniki, wénten makudang tétromino sané kapah dados kacirénin olih papat balok sané ulung siki-siki. Tetujonnyané inggih punika mangda nayanin tétromino sané ulung, antuk ngésérang ka samping utawi mitehang sané ngawinang wentuknyané ngadeg nénten madué celah. Yéning sampun mawentuk, tétromino punika pacang ical tur ngawinang tétromino ring ajengnyané taler ulung. Sasampun plalianan punika nglantur, tétromino pacang énggal ulung. Plalianan punika pacang puput yéning wentuknyané wénten sané ngalangin ngawinang nénten prasida ngranjing.^[4]

1. ↑ "Tetris | Puzzle Game, Block Shapes, Soviet Origin | Britannica". www.britannica.com (ring Inggris). 2024-08-12. Kaaksés 2024-08-31.
2. ↑ Prisco, Jacopo (2019-11-01). "Tetris: The Soviet 'mind game' that took over the world". CNN (ring Inggris). Kaaksés 2024-08-31.
3. ↑ Setiawan, Bram (2023-06-06). "Asal-usul Tetris, Permainan Video Sederhana yang Populer Sepanjang Masa". Tempo (ring Inggris). Kaaksés 2024-08-31.
4. ↑ Kaoru (2019-02-21). "Panduan Bermain Tetris". Gimbot (ring Inggris). Kaaksés 2024-08-31.