Kodigo
Sa komunikasyon asin pagproseso nin impormasyon, kodigo an apod sa sistema nin mga panundon para maibalyo an sarong impormasyon (siring kan letra, kataga, tanog, ladawan, o senyas) pasiring sa ibang porma o paagi, parating pinahalipot o pasikreto, para mag-agi sa komunikasyon o itago sa sarong taguan nin datos. Tataramon an saro sa mga pinakaenot na halimbawa kaini, huli ta tinugutan kaini an mga tawo na mausip nin pataram an mga kaganapan asin karanasan sa palibot niya. Huli sa natural na limitasyon nin pagtaram, naimbento naman an pagsurat, na saro man na klase nin kodigong nagagamit man nin nahihiling na simbolo, siring man an iba pang mga siring na paagi arog kan semaporo.
Pagsakodigo (English: encoding) an apod sa proseso nin pagbalyo nin impormasyon gikan sa sarong porma pasiring sa iba. Kabaligtaran man kaini an pagdekodigo (English: decoding), na nagbabalo man na maaraman an impormasyon sa paaging nasasabutan kan nag-aako kan impormasyon.
