Laboy
An laboy iyo an daga, loam, silt o dalipay na may salak na tubig. Sa parate iyan nabibilog huli sa tubig uran o sa lugar na harani sa ginikanan nin tubig. An suanoy na laboy na mga deposito minatagas sa nag-aging panahon nin heolohikong oras nganing mabilog an sedimentaryong gapo siring kan shale o mudstone. Kun nabibilog nin mga heolohikong deposito nin laboy sa mga estwaryo, an resultang mga suon inaapod na mga bay muds.
