Wikipedia:WikiProyekto

An WikiProyekto o WikiRabuz sarong grupo nin mga paraambag na gustong magtarabangan bilang sarong grupo tanganing mapakarhay an Wikipedia. An mga grupong ini parating nakasentro sa sarong ispesipikong ulayon (halimbawa, WikiProyekto Siyensya o WikiProyekto Tataramon), sarong ispesipikong kabtang kan ensiklopedya (halimbawa, Wikipedia:Tangga nin Klasipikasyon kan mga Artikulo), o sarong ispesipikong klase nin trabaho (halimbawa, paghaman kan 1,000 core topics sa Bikol Wikipedia o Wikipedia PH Month 2021).

An Bikol Wikipedia sa presente igwang manlain-lain na WikiProyekto o WikiRabuz, pigbabantayan nin saro o duwang editor, na gabos may magkaibang lebel nin aktibidad. Puwede nindong gamiton an kahon nin paghanap sa ibaba tanganing madaling makakua nin WikiProyekto na pinagkakainteresan nindo!

Saro sa mga nagpauswag kan Bikol Wikipedia iyo an paghaman nin mga proyekto sa pagdalagan kan panahon. Nagsirbi an mga ini bilang giya sa paghaman nin mga artikulo sa sarong ispesipikong ulayon. Katuyohan kan mga proyekto na pahiwason an mga tampok na ulayon na mababasa sa Bikol Wikipedia.

Namokna an mga WikiRabuz sa mga enot na panahon kan Bikol Wikipedia bilang an suanoy na bersyon kan WikiProyekto. Ini an mga proyekto na manungod sa Kabikolan sa manlainlain na lado. Huli kaini, nagin panginot na gunuan nin mga impormasyon asin datos na dapit sa literatura, historya, asin kultura an Bikol Wikipedia.

Dagos naman uminabot an mga panahonan na proyekto sa Bikol Wikipedia. Gabos o kadaklan sa mga ini an pig-oorganisa nin mga internasyunal na grupo arug kan WikiGap asin Wikipedia Asian Month. Aktibong nagpapartisipar an Bikolanong Komunidad sa mga ini na kun minsan igwa pa nin kaibang paghirilingan.

Sa pag-abot kan taon 2021, namokna an presenteng bersyon kan WikiProyekto na pigpunan kan WikiProyekto Siyensya. An istilo kaini iyo pig-arug sa "WikiProject" sa Ingles na Wikipedia kun sain nakapokus ini sa sarong mayor na ulayon asin para sa gabos na panahon. Pakatapos kan siyensya, nagkaigwa naman nin mga WikiProyekto para sa historya, matematika, tataramon, literatura, asbp. Napagsararo naman an mga nagligad asin aktibong proyekto na manungod sa Kabikolan sa paagi kan WikiProyekto Kabikolan.

Katuyohan kan WikiProyekto na magin saro sa mga pinakadakulang lakdang sa pag-uswag kan Bikol Wikipedia.

1. Pagsararo asin pag-organisa sa gabos na mga proyekto digdi sa Bikol Wikipedia
2. Pagkakaigwa nin dibersidad sa mga artikulo sa Bikol Wikipedia na tampok an manlainlain na mga ulayon
3. Makatabang sa pagpapadakul asin pagpapaurog nin mga artikulo sa Bikol Wikipedia

1. Pagklasipika nin artikulo sa kun anong WikiProyekto ini kabali. Itakod an plantilya na "BW-2021 X" asin tawan ini nin klase asin importansya. (Olay kan Pahina)
2. Pauswagon asin pag-ulayan an mga kamawotang istraktura kan mga artikulo (Kategorisasyon)
3. Pauswagon an laog kan mga artikulo (Artikulo)
4. Magkaag nin plantilya sa sadiring Pahina nin Paragamit para ipahiling an pagigin miyembro sa sarong proyekto (Pahina nin Paragamit)
5. Ikaag an pahinang ini sa sadiring Bantay-listahan tanganing maaraman tulos an mga pangyayari sa pahinang ini (Bantay-listahan)

An Wikimedia Commons igwa nin medya dapit sa Wikipedia WikiProjects.

• Collaborative software
• Commons-based peer production
• Help:Wikipedia: The Missing Manual/Collaborating with other editors/WikiProjects and other group efforts
• Learning community