Hidilyn Diaz

Si Hidilyn Diaz ikalima sa anom na aki ni Eduardo asin Emelita Diaz. An ama niya sarong para-trimobile bago nagin parasira asin paraoma. Nagdakula siya may ambisyon magin sarong banker asin mahilig sa isports arog kan basketbol asin volleyball.^[9] An saiyang pinsan, si Allen Jayfrus Diaz, tinukdoan siya kan sa pagpoon sa weightlifting.^[10]

Siya nag'entra sa Universidad de Zamboanga kun saen nagkua kan kurso sa computer science. Alagad siya nagpondo sa pag'adal sa unibersidad kan ikatolong taon na siyang estudyanteng iregular ta naisip niya dai bagay an kurso saiya. Nasabi pa niya ini nakakaribaraw sa saiyang pagtraining. Kan siya guminana sa 2016 Olimpiko, si Diaz nagdesidir na magpadagos kan saiyang edukasyon sa tertiary sa kursong may relasyon sa isports sa Manila.^[11] Kan Enero 2017 si Diaz nakaresibe nin scholarship sa pag'adal nin business management sa De La Salle-College of Saint Benilde.^[12] Kan 2018, si Diaz nagbutas ngona sa pagklase ta isip niyang gayo na magturohok sa Preparasyon sa Olimpiko pakagana niya sa Asian Games.^{[nangangaipo nin toltolan]}

Kan 2020, si Diaz nag'enroll sa klaseng online ta an Olimpikong Tig-init naoktaba sa Hulyo 2021.^[13]

Huli sa pambihirang naginibohan ni Diaz sa Olimpiko sa Tig-init 2020, kun saen nagkurit siya nin duwang bagong rekord sa Olimpyada (127kg nabuhat niya sa pinal na "clean and jerk" asin nakatipon nin total na 224kg na nabuhat), an gobyerno Filipinas, susog sa mandato nin ley, may pasib saiyang igagawad sa halagang 10 milyon na pesos cash. Laen kaiyan, si Manny V. Pangilinan kan PLDT asin si Ramon S. Ang kan San Miguel matao saiya lambang saro nin 10 milyon pesos. Siring man, si deputy speaker Mikey Romero nangako matao man saiya nin 3 milyon. Sa kagabsan, maghahakot an atletang si Diaz nin 33 milyon na pesos. Dagdag pa, si Abraham "Bambol" Tolentino, presidente kan Olimpiko nin Filipinas, tata'wan man siya nin lote-asin-harong sa Tagaytay. ^[14].

May bareta man na si Andrew Tan kan Megaworld Corporation reregalohan si Diaz nin P14-milyon na condominium sa Eastwood City bunga kan paghakot niya nin medalyang bulawan para sa Filipinas, an primero pa sanang medalyang bulawan nasikwit sa Olimpiko poon pa kan an Filipinas nagbali igdi kan 1924.^[15]

Si Diaz nakalaog sa Philippine Air Force (PAF) sa paagi kan military arm's Direct Enlistment Program in 2013. Siya enot na nadestino sa sa Air Force Special Service Group. Siya man natawan nin Air Force Specialty Code skill sa paggibo nin weightlifting. Kan 2014, natawan nin promosyon hale sa ranggo na Airwoman pasiring sa Airwoman Second Class. Si Diaz man nakaresibe nin Military Merit Media sa pag organisar kan mga ganap sa PAF asin man siya nakaresibe nin Presidential Citation Unit Badge. Kan si Diaz nagsasanay sa saiyang stint sa 2016 Summer Olympics, siya pansamantalang nadestino sa PAF Personnel Management Center. Para sa saiyang ginanahan sa Olympics, natawan siyang promosyon kan PAF. An sakop kan saiyang promosyon dai na isinapubliko^[16] pero dai naghaloy si Diaz naireport na ini na-promote sa ranggo kan Airwoman First Class. ^[17] Si Diaz sunod-sunod na na-promote sa ranggo kan sergeant pakatapos kan 2018 Asian Games. ^[18] Kan July 27, 2021, pakatapos kan saiyang trayumpo sa 2020 Tokyo Olympics, Lt. Gen. Allen Paredes, an Philippine Air Force's commanding general, inaprubahan an promosyon ni Diaz hale sa pagigin sergeant, pasiring sa staff sergeant. ^[19]

• Mga omaw ki Diaz sa panggana. Kinua 10-8-16.