Bumçay

Bumçay
azərb. Bumçay‎
Ölkə	Azərbaycan
Rayon	Qəbələ rayonu
Mənbəyi	Böyük Qafqaz silsiləsi
• Yüksəkliyi	3400 m
Mənsəbi	Türyançay
Uzunluğu	51 km
Su sərfi	2,44 m³/san
Su sistemi	Türyançay (çay)/Kür/Xəzər dənizi
Su hövzəsi	Xəzər dənizi
Hövzəsinin sahəsi	450 km²

Bumçay - Türyançayın sol qoludur. Qəbələ rayonu ərazisindən axır.

Uzunluğu 51 km, hövzəsinin sahəsi 450 km²-dir.Başlanğıcını Böyük Qafqaz silsiləsinin cənub yamacından (3400 m) alır. Axımı yeraltı qar və yağış sularından əmələ gəlir. Yaz fəslində qar, payızda isə yağış suları çayda daşqınlar əmələ gətirir. Çayda ən çox axım may, ən az axım isə yanvar ayında olur. Orta illik su sərfi 2,44 m³/san-dir. Axımın 26%-i yazda, 38%-i yayda, 24%-i payızda, 12%-i isə qışda keçir. Bumçayın lillənməsi isə 500-4000 q/m³-dir. Suyu hidrokabonatlı-kalsiumlu olmaqla 150-300 mq/l minerallaşmaya malikdir.

Çayın aşağı hissəsindən suvarma işlərində geniş istifadə edilir.

Azərbaycanın bir çox selli çaylarından biridir. Mənbəyi Bazardüzü dağının yamaclarından götürən bu çay geoloji baxımdan hövzəsi Təbaşir və Yura dövrünün cöküntülərinin yayılması ilə səciyyələnir. Bumçayda keçən sel axınları palcıqlı-daşlı olurlar. 

• Azərbaycan çayları

• Bumçay