Sibiria Bira
| Sibiria Bira | ||
| ||
| TAWAVOPA | ||
| Ord | domafa bira | |
| Welfa | Arktika Welfa | |
| Welmot | 913 000 km² | |
| Aludeve | ||
| - mialuk | m- | |
| - cuge | 155 m- | |
| RISTULA | ||
| Krimtafa patecta | Rossia 
| |
Sibiria Bira ( okon Ronefa Sibiria Bira, rossiavon Восточно-Сибирское море ) tir domafa bira ke Arktika welfa. Ina geefa kima tir krimta ke Sibiria ; taltefa kima tir Vostotcno Sibiria tursia ( Новосибирские острова ) talteon vome Laptev Bira ; ronefa kima tir Vrangel ewala ( Остров Врангеля ) vome Tcukotka Bira.
Inaf welmot tir vas 913 000 km². Bira loedje tir tapanafa. Tir dambafa larde cugafe aludeve anton tir vas 155 m- isen lok tir vas leon 50 m- luxe 70 % ke kotaf welmot. Kimafa krimta talteon kale artexo ke Kolima jadion tir azekafa vox roneon meftafa. Yanka ke gael gitir vas idulugalon 0° ik 2° vox fentugalon -30°.
Nelkaf bost konis va Sibiria bira tid : Indigirka is Alazeya is Kolima.
Nelkaf molt ke bata bira tir Pevek. Ambartcik molt poke artexo ke Kolima kuksa tigir, liz rezgalesa tota artlapiyid bak Stalinugal aze va daginik azon lanisitin ko pemaxo ik kawoda ke Kolima Gulag bolk divtotayad.
Izva
[betara | va krent betá]Bira bak XVII-eafa decemda gan rossiaf totasik adre lapis mal kono artexo kal aro artexo zo kosmayar. Bak 1648 Semyon Dejnyov is Fedot Alekseyev va krimta ke artexo ke Kolima az tela ke Anadir kal Bering vedil kosmayad. Bolkafa vestara isu varafa liwotara va bira is krimteem xuton gu konaka brinuga bak 1735/1742 az 1820/1824 az 1911/1914 zo skuyud.
Dere rupec
[betara | va krent betá]- Vexala dem bireem ke Tawava