জুল

জুল (ইংৰাজী: Joule) হৈছে আন্তৰ্জাতিক একক প্ৰণালীত^[1] শক্তিৰ একক। এক নিউটন বল প্ৰয়োগ কৰি কোনো বস্তু বলৰ দিশত এক মিটাৰ সৰণ ঘটালে হোৱা কাৰ্য্যৰ পৰিমাণ অথবা শক্তি হৈছে এক জুল (এক নিউটন মিটাৰ)। এক ওম বাধাৰ মাজেদি এক ছেকেণ্ডৰ বাবে এক এম্পিয়াৰ প্ৰৱাহ পাৰ হৈ গ'লে তাপ হিচাপে ওলোৱা শক্তিকো এক জুল হিচাপে সংজ্ঞাবদ্ধ কৰিব পাৰি। ইংৰাজ পদাৰ্থবিজ্ঞানী জেমছ প্ৰেছকট জুলৰ সন্মানাৰ্থে জুল নাম ৰখা হৈছে^[2][3][4]।

${\displaystyle {\text{J}}={\frac {{\text{kg}}\cdot {\text{m}}^{2}}{{\text{s}}^{2}}}={\text{N}}\cdot {\text{m}}={\text{Pa}}\cdot {\text{m}}^{3}={\text{W}}\cdot {\text{s}}={\text{C}}\cdot {\text{V}},}$

য'ত kg হৈছে কিলোগ্ৰাম, m হৈছে মিটাৰ, s হৈছে ছেকেণ্ড, N হৈছে নিউটন, Pa হৈছে পাস্কেল,W হৈছে ৱাট, C হৈছে কুলম্ব আৰু V হৈছে ভল্ট।

এক জুলক তলত দিয়াধৰণেও সংজ্ঞাবদ্ধ কৰিব পাৰি-

• এক কুলম্বৰ কোনো এক বৈদ্যুতিক আধানক এক ভল্ট বিভৱভেদমাজেৰে পাৰ কৰাবলৈ লগা কাৰ্য্য। এই সম্বন্ধটোক এক ভল্টৰ সংজ্ঞাৰ বাবেও ব্যৱহাৰ কৰা হয়।
• এক ছেকেণ্ডৰ বাবে এক ৱাট শক্তিক লগা কাৰ্য্যৰ পৰিমাণ। এই সম্বন্ধটোক এক ৱাটৰ সংজ্ঞাৰ বাবেও ব্যৱহাৰ কৰা হয়।

জেমছ প্ৰেছকট জুলৰ নামেৰে আন্তৰ্জাতিক একক প্ৰণালীত এই এককৰ নাম ৰখা হৈছে। ইয়াৰ চিহ্ন হৈছে J।

এক জুল হৈছে

• এটা মধ্যমীয়া আকাৰৰ (১০০ গ্ৰাম) বিলাহী মাটিৰ পৰা ঠিয়কৈ ১ মিটাৰ ওপৰলৈ নিবলৈ লগা শক্তি^[5]।

• যেতিয়া সেই একেটা বিলাহী তললৈ সৰি পৰোতে লগা শক্তি।

• ১ কিল'গ্ৰাম ভৰৰ বস্তু এটা ১ মিটাৰ প্ৰতি বৰ্গ ছেকেণ্ডত ১ মিটাৰ নিবলৈ লগা শক্তি।

• ১ গ্ৰাম পানী ০.২৪ ডিগ্ৰী চেলচিয়াচ ঊষ্ণতা বঢ়াবলৈ লগা শক্তি^[6]।
• ৫০ কিল'গ্ৰামৰ এজন মানুহে ০.২ মিটাৰ প্ৰতি ছেকেণ্ডত গতি কৰোঁতে থকা গতি শক্তি^[7]।

• ৫৬ গ্ৰামৰ টেনিছ বল এটাই ৬ মিটাৰ প্ৰতি ছেকেণ্ড বেগত যাওঁতে থকা গতি শক্তি
• ১ ৱাটৰ বাল্ব এটা ১ ছেকেণ্ডৰ বাবে জ্বলাই ৰাখিবলৈ লগা বিদ্যুৎ শক্তি।

এক যেপ্টজুল (zJ) হৈছে এক জুলৰ 10⁻²¹ ভাগৰ সমান। ১৬০ যেপ্টজুল ১ ইলেক্ট্ৰন ভল্টৰ সমান।

এক নেন'জুল(nJ) হৈছে এক জুলৰ 10⁻⁹ ৰ সমান। উৰি থকা মহ এটাৰ গতিশক্তিৰ ১/১৬০ ভাগ হৈছে এক নেন'জুল।

এক মাইক্ৰ'জুল(μJ) হৈছে এক জুলৰ 10⁻⁶ৰ সমান।

এক মিলিজুল(mJ) হৈছে এক জুলৰ 10⁻³ ৰ সমান।

এক কিল'জুল(kJ) হৈছে এক হাজাৰ জুলৰ সমান। পৃথিৱীৰ ১ বৰ্গমিটাৰে প্ৰতি ছেকেণ্ডত সূৰ্যৰ ১.৪ কিল'জুল শক্তি লাভ কৰে ( দিনৰ ভাগত)।

এক মেগাজুল(MJ) ১ মিলিয়ন জুলৰ সমান।

এক গিগাজুল(GJ) হৈছে ১ বিলিয়ন জুলৰ সমান।

এক টেৰাজুল(TJ) ১ ট্ৰিলিয়ন জুলৰ সমান। হিৰ'শ্বিমাত পেলোৱা পৰমাণু বোমা পৰা ৬৩ টেৰাজুল শক্তি নিৰ্গমণ হৈছিল।

এক পেটাজুল(PJ) হৈছে ১ কোৱাড্ৰিলিয়ন(10¹⁵) জুলৰ সমান। মানুহে সজা বৃহত্তম নিউক্লিয়েৰ বিস্ফোৰণ চাৰ বম্বাৰ(Tsar Bomba) দ্বাৰা এই শক্তি নিৰ্গমণ হৈছিল।

এক এক্সাজুল(EJ) হৈছে এক কুইণ্টিলিয়ন(10¹⁸) জুলৰ সমান।

এক যেট্টাজুল হৈছে (ZJ) এক ছেক্সটিলিয়ন (10²¹)জুলৰ সমান।

এক য়'ট্টাজুল(YJ) হৈছে এক ছেপ্টিলিয়ন(10²⁴) জুলৰ সমান। পৃথিৱীৰ সমগ্ৰ পানী ১ ডিগ্ৰী চেলচিয়াছ ঊষ্ণতালৈ নিবলৈ লগা শক্তি প্ৰায় এক য'ট্টাজুলৰ সমান হ'ব। সূৰ্যৰ প্ৰতি ছেকেণ্ডৰ তাপীয় নিৰ্গমণ প্ৰায় ৪০০YJ।

১ জুলৰ সমান হৈছে:

• 1×10⁷ আৰ্গ
• 6.24150974×10¹⁸ eV
• 0.2390 কেলৰি (গ্ৰাম কেলৰি
• 2.390×10⁻⁴ কিল'কেলৰি
• 9.4782×10⁻⁴ BTU
• 0.7376 ft⋅lb
• 23.7 ft⋅pdl (ফুট-পাউণ্ডেল)
• 2.7778×10⁻⁷ kW⋅h
• 2.7778×10⁻⁴ W⋅h
• 9.8692×10⁻³ latm (litre-atmosphere)
• 11.1265×10⁻¹⁵ g (ভৰ-শক্তি সমতুল্যতাৰ পৰা)
• 1×10⁻⁴⁴ foe

প্ৰ • আ • স এছ আই একক বুনিয়াদী একক এম্পিয়াৰ কেণ্ডেলা কেলভিন কিলোগ্ৰাম মিটাৰ ম'ল ছেকেণ্ড বিশেষ নামবিশিষ্ট সাধিত একক বেকেৰেল কুলম্ব ডিগ্ৰী চেলছিয়াচ ফাৰাড গ্ৰে হেনৰী হাৰ্টজ জুল কাটল লিউমেন লাক্স নিউটন ওম পাস্কেল ৰেডিয়ান ছাইমেন্স ছীভাৰ্ট ষ্টেৰিডিয়ান টেছলা ভল্ট ৱাট ৱেবাৰ অন্যান্য গৃহীত একক জ্যোতিৰ্বিজ্ঞানীয় একক ডেল্টন দিন ডেচিবেল চাপৰ ডিগ্ৰী ইলেক্ট্ৰন ভল্ট হেক্টৰ ঘণ্টা লিটাৰ মিনিট চাপৰ মিনিট আৰু ঘণ্টা নেপাৰ টন লগতে চাওক একক ৰূপান্তৰণ মেট্ৰিক উপসৰ্গ ২০০৫-২০১৯ সংজ্ঞা ২০১৯ পুনঃসংজ্ঞা জোখ-মাখৰ পদ্ধতি কিতাপ শ্ৰেণী