Pronunciación y silabación: [ u.niˈða ]

femenín singular unidá; plural unidaes

1. Cualidá o fechu de lo que constitúi un conxuntu non xebrable.
2. Elementu singular dientro d'una serie o d'un conxuntu.

   El mes pasáu vendiéronse mil unidaes.

3. (Metroloxía) Midida estandarizada pa dar un valor concretu a una cantidá de daqué.

   El metru ye la unidá básica pa midir les distancies; La unidá monetaria de la Xunión Europea ye l'euro.

4. (Matemática) El númberu un.
5. (Matemática) Cifra d'un númberu compuestu, qu'apaez al final y que tien un valor ente 1 y 9.
6. (Educación) Caúna de les partes nes que se divide un llibru de testu o un manual.

Sinónimos[editar]

• [2] exemplar, copia
• [4] un ~ unu
• [6] lleición ~ llección

Pallabres rellacionaes[editar]

• [5] decena, centena, millar
• [6] unidá didáutica

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.