Atolón de Nadikdik

Atolón de Nadikdik
Situación
Tipu	atolón
Parte de	Cadena Ratak
Asitiáu en	Océanu Pacíficu
Coordenaes	5°53′47″N 172°09′55″E / 5.896261°N 172.165289°E / 5.896261; 172.165289
Atolón de Nadikdik Atolón de Nadikdik (Islles Márxal)
Datos
Altitú media	3 m
Superficie	0,98 km²

Nadikdik (en marxalés Ņadikdik [ɳˠɑɑ̯r̪ʲi͡ɯɡ(ɯ͡i)r̪ʲi͡ɯk]) o Knox ye un atolón coralín de 18 islles y castros nel Océanu Pacíficu. Ye l'atolón más al sur de les Islles Márxal, país al que pertenez nel so distritu llexislativu de la cadena Ratak. Tien un área terrestre de 0,98 km² pero enzarra una llaguna allargada rellenada de sable de 3,42 km². La so llonxitú ye de 11 km y 2 km d'ancho.

Les islles tán asitiaes pela fastera occidental, destacando Aelingeo, Nadikdik y Nariktal. L'atolón ta separtáu pel pasaxe de Klee nel so estremu más septentrional del atolón de Mili, al que tuvo xuníu una vez.

En 1884, l'atolón foi reclamáu pol Imperiu d'Alemaña xunto col restu de les Islles Marshall. Tres la Primer Guerra Mundial, la islla quedó baxo'l Mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal en 1896.

El 30 de xunu de 1905 l'atolón de Nadikdik foi devastáu dafechu per un tifón faciendo esaparecer los aproximao 60 habitantes que tenía. Namás dos neños sobrevivieron al debalu nel mar por tar aferraos a un árbol de fruta del pan^[1]. Anque dende entós se rexeneró la vida enforma ^[2] n'actualidá nun hai asentamientu humanu dalu.

• Wikimedia Commons acueye conteníu multimedia sobre Atolón de Nadikdik.