HMS Bounty

HMS Bounty
	Collier (es) , hired armed vessel (en) , nave de aparejo completo (es) , pecio (es) y buque hidrográfico (es)
Información
Fabricante	Kingston upon Hull
Llugar de producción	Kingston upon Hull
Historia
Entrada en serviciu	1784
Royal Navy	(1787–1790)
Acontecimientos significativos	asignado (es) (16 agostu 1787) ; Motín del HMS Bounty (es) (28 abril 1789) ; botadura (es) (1784) ; decomisación naval (es) (23 xineru 1790)
Carauterístiques
Fuercia motora	Saléu a vela
Manga	7,42 metros
Eslora	27,69 metros
Caláu	3,5 metros
Tripulación	44

La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.

Réplica del HMAV Bounty nel Muséu Marítimu Nacional Australianu, en Sydney, Australia.

El HMS Bounty o HMAV Bounty foi un barcu de vela de l'armada británica nel qu'asocedió'l 28 d'abril de 1789 un motín. El barcu fore un cargueru, llamáu Bethia, hasta que dos años enantes del motín l'armada lu mercó col oxetivu de tresportar frutos del pan dende Tahití fasta'l Caribe. Los frutos del pan debíen constituyir un alimentu baratu pa los esclavos que trabayaben nes plantaciones de caña de zucre.

El barcu, "HMAV Bounty" (HMAV = His Majesty's Armed Vessel, o seya, veleru armáu de la so maxestá), coló'l 23 d'avientu de 1787 dende Inglaterra, embaxo'l mandu del capitán William Bligh, que tenía 33 años d'edá y sirviere como ñavegante a les órdenes del capitán James Cook. La tripulación taba formada por 44 hombes. La ruta que se-y indicare al capitán pa llegar ceo a Tahití foi la que pasa pel sur d'América, rodiando'l Cabu de Fornos. Sicasí, Bligh atopóse ellí con una tempestá que lu impidió siguir, obligándolu a garrar la ruta alternativa dempués de 30 díes intentándolo. Esta ruta llevólu pel sur d'África, llegando asina a Tahití'l 25 d'ochobre de 1788, dempués de diez meses de ñavegación, y dellos meses más sero lo previsto.

Por mor del retrasu en llegar, Bligh y los sos homes tuvieron que tar cinco meses na islla, pues nun yera la época na que podíen tresplantase los brotes del frutu del pan. La tripualación entamó a avezase a les costumes de los ñativos y a escaecese de la so condición de marineros de la corona. Munchos entamaron rellacioens con muyeres de Tahití. El primer oficial, Fletcher Christian, casóse inclusive con una d'elles.

A la fin, foron a recoyer los brotes del frutu de pan y, magar que-yos pesare a una gran parte la tripulación, la Bounty coló p'hacia'l Caribe'l 4 d'abril de 1789. Na mañana del 28 d'abril entamó la rebelión liderada por Fletcher Christian. 11 homes siguieron a Christian, demientres que 31 foron lleales a Bligh. Los amotinaos embarcaron al capitán, xunta con 18 marineros lleales, nuna llancha, provista d'una vela, un sestante y un reló. Los otros 13 marineros lleales al capitán tuvieron de permanecer na Bounty por mor del pocu espaciu na llancha.

Bligh fizo una fazaña de ñavegación y llegó dempués de 41 díes hasta la islla de Timor, per au pasaben barcos ingleses. Recorriere unes 5.800 milles y perdíu namái qu'a un home, muertu nun enfrentamientu con ñativos hostiles d'una islla na qu'intentaren parar pa recoyer augua y víveres. En cuantes qu'aportó a Londres, l'almirantazgu dio-y la razón a Bligh y lu confirmó nel so puestu na armada real.

Respeutive a Christian y los amotinaos, tornaron a Tahití, au quedaron 16 homes al recibu de que llegare un barcu inglés y los llevare a la patria. Christian coló otra vegada na Bounty, llevando con elli ocho marineros, asina como seis homes y once muyeres de Thaití, una d'elles con un nácaru. Los homes ñativos aidaríenlu nes xeres del barcu. Habíen de s'escuender pa nun ser deteníos pola armada británica, pues los amotinaos yeren siempres condergaos a muerte.

De xeitu casual, Christian y los sos homes foron a ver la islla de Pitcairn, nel estremu oeste del archipiélagu de Tahití, que por aquel entós figuraba nes cartes marines nuna posición erónea. Decidieron quedar ellí, pues l'error cartográfiu amenorgaría la posibilidá de que foren llocalizaos. El 23 de xineru de 1790 quemaron la Bounty, pa que nun se vieren los sos mástiles dende lloñe y pa esborriar toa güelga material del motín.

En 1808 apaeció'l primer barcu, de ñacionalidá americana. Christian y dalgunos morrieren. L'únicu amotináu que sobrevivía yera John Adams que convivía con diez muyeres y los sos fíos. Sicasí, inda güei viven en Pitcairn descendientes de los amotinaos de la Bounty y de les sos muyeres tahitianes.

Na lliteratura asturiana

Esiste torna al asturianu d'una novela de Jules Verne que trata'l motín: Los solevaos del Bounty.

Referencies

Enllaces esternos