Xeografía de Brunéi

 

El so relieve nun ye bien relevante. El picu más altu del país, el monte Bukit Pagon de 1.850 m, ta asitiáu al este nel estremu sur del distritu de temburong. Forma parte de los montes Irán.

Na parte oeste del país, la más estensa, ye inda menos montascosa, nun destacar más qu'unes cuantos montes sobremanera na frontera con Malasia

Los ríos son curtios una y bones casi toos nacen nel país y diríxense al norte desaguando nel Mar de la China meridional. El ríu más importante ye'l ríu Belait na parte oeste.

La mariña ye llana, pantanosa y regular salvu na badea de Brunéi

El clima ye tropical lluviosu y templáu. La temperatura medio ye de 26,7 °C con poques variaciones mientres l'añu. El país escarez d'estación seca, hai agua mientres tol añu, lo qu'asocede ye qu'ésta ye más intensa mientres el monzón de payares a marzu.

Parte del dineru de la esplotación de petroleu, usóse pa protexer la selva, que cubre cerca d'un terciu del país. Brunéi cunta con una importante fauna selvaxe anque ta en parte en peligru.

Brunéi protexe cerca del 20 % del so territoriu como'l parque de Ulu Temburong.

Situación: En Sureste Asiáticu llendando col mar de la China Meridional y Malasia.

Coordenaes xeográfiques: 4°30′S 114°40′E / 4.500°S 114.667°E / -4.500; 114.667

Referencies de mapa: Sureste Asiáticu

Superficie:
total: 5.770 km²
tierra: 5.270 km²
agua: 500 km²

Fronteres terretres: 381 km

Países fronterizos:
Malasia 381 km

Llinia de mariña: 161 km

Reclamaciones marítimes:
zona de pesca esclusiva: 12nm
mar territorial: 200nm o hasta la llinia media

Clima: tropical; templáu; húmedu y lluviosu Terrén Llanura costera que s'alza hasta los montes nel este y tierres baxes con llombes nel oeste.

Estremos d'altitú:
el puntu más baxu: Mar de la China meridional 0 m
el puntu más altu: Bukit Pagon 1.850 m

Recursos naturales: Petroleu, gas natural, madera

Usu de la tierra:
tierra cultivable: 0,57 %
cultivos permanentes: 0,76 %
otros: 98,67 % (2001)

Tierra irrigada: 10 km² (1998 est)

Amenaces naturales tifones; terremotos y los hinchentes desastrosos son rares.

Mediu ambiente– temes actuales:. Neblinas estacionales debíes a les quemes nos montes d'Indonesia.

Mediu ambiente– alcuerdos internacionales:. Roblaos y ratificaos: especies en peligru d'estinción, arramaos peligrosos, lleis del mar, proteición de la capa d'ozonu y contaminación marítima.

• CIA World Factbook Archiváu 2006-03-01 en Wayback Machine (n'inglés)