Saguía el Hamra

Saguía el Hamra (árabe: الساقية الحمراء as-Sāqīyá al-Hamrā´, «l'acequia colorada»), ye con Río de Oro unu de los dos territorios que formaben l'antigua provincia española (antes de 1969, colonia) d'El Sáḥara español. Ocupaba la so parte norte y tenía una superficie averada de 82 000 km².

Saguía el Hamra
valle
Alministración
Monarquía constitucional	Marruecos
Xeografía
Coordenaes	27°09′13″N 13°12′12″W / 27.1536°N 13.2033°O / 27.1536; -13.2033

La so denominación provién de la riega del mesmu nome, que desaguaba, cuando llevaba agua, unos quilómetros al oeste de L'Aaiún, nel so puertu.

Del cabu Bojador partía la llinia divisoria cola vecina antigua provincia de Río de Oro, cola cual el paralelu 26ºN sirvíalu como frontera sur. El paralelu 27º 40'N yera la so frontera norte col territoriu de Cabu Juby, perteneciente al Protectoráu Español de Marruecos según el tratáu francu-español de 1912. La so frontera oriental nel interior yera'l meridianu 8º 40' Oeste de Greenwich.

La capital yera L'Aaiún. Nel interior topa la ciudá d'Esmara y más al este y, yá cerca de la frontera con Mauritania, la población más pequeña de Bir Lehlu, considerada pol Frente Polisariu capital provisional de la República Árabe Saḥariana Democrática, mientres la capital constitucional sigue so l'alministración de la monarquía alauí.