Michigan

Michigan ye un estáu de los Estaos Xuníos d'América, asitiáu na rexón del Mediu Oeste y perteneciente tamién a la rexón tresnacional de los Grandes Llagos. El nome vien-y de la pallabra llingua ojibwe|ojibwe mishigamaa, que significa "llagu grande" y facía referencia al llagu Michigan^[1][2]. Ye'l decimuprimer estáu más estensu de los Estaos Xuníos y el décimu con más población. La so capital ye Lansing, y Detroit la so ciudá más grande.

Michigan
bandera de Michigan
Alministración
País	Estaos Xuníos d'América
ISO 3166-2	US-MI
Tipu d'entidá	Estaos d'Estaos Xuníos
Capital	Lansing
Gobernadora de Michigan	Gretchen Whitmer
Nome llocal	State of Michigan (en)
Llingües oficiales	ensin valor
División	ver condáu d'Alcona, condáu d'Alger, condáu d'Allegan, condáu d'Alpena, condáu d'Antrim, condáu d'Arenac, condáu de Baraga, condáu de Barry, condáu de Bay, condáu de Benzie, condáu de Berrien, condáu de Branch, condáu de Calhoun, condáu de Cass, condáu de Charlevoix, condáu de Cheboygan, condáu de Chippewa, condáu de Clare, condáu de Clinton, condáu de Crawford, condáu de Delta, condáu de Dickinson, condáu d'Eaton, condáu d'Emmet, condáu de Genesee, condáu de Gladwin, condáu de Gogebic, condáu de Grand Traverse, condáu de Gratiot, condáu de Hillsdale, condáu de Houghton, condáu de Huron, condáu d'Ingham, condáu d'Ionia, condáu d'Iosco, condáu d'Iron, condáu d'Isabella, condáu de Jackson, condáu de Kalamazoo, condáu de Kalkaska, condáu de Kent, condáu de Keweenaw, condáu de Lake, condáu de Lapeer, condáu de Leelanau, condáu de Lenawee, condáu de Livingston, condáu de Luce, condáu de Mackinac, condáu de Macomb, condáu de Manistee, condáu de Marquette, condáu de Mason, condáu de Mecosta, condáu de Menominee, condáu de Midland, condáu de Missaukee, condáu de Monroe, condáu de Montcalm, condáu de Montmorency, condáu de Muskegon, condáu de Newaygo, condáu d'Oakland, condáu d'Oceana, condáu d'Ogemaw, condáu d'Ontonagon, condáu d'Osceola, condáu d'Oscoda, condáu d'Otsego, condáu d'Ottawa, condáu de Presque Isle, condáu de Roscommon, condáu de Saginaw, condáu de Sanilac, condáu de Schoolcraft, condáu de Shiawassee, condáu de St. Clair, condáu de St. Joseph, condáu de Tuscola, condáu de Van Buren, condáu de Washtenaw, condáu de Wayne y condáu de Wexford
Xeografía
Coordenaes	44°20′N 85°35′W / 44.34°N 85.58°O / 44.34; -85.58
Superficie	250493 km²
Llenda con	Wisconsin, Ohio, Indiana, Ontario, Minnesota, Illinois, Alto Canadá (es) y Provincia Unida de Canadá (es)
Puntu más altu	Monte Arvon (es)
Puntu más baxu	Llagu Erie
Altitú media	275 m
Demografía
Población	10 077 331 hab. (1r abril 2020)
Densidá	40,23 hab/km²
Viviendes	3 980 408 (31 avientu 2020)
Más información
Estaya horaria	Horariu del este de Norteamérica, Hora Estándar Central, America/New_York (es) y UTC−05:00
Fundación	26 xineru 1837
michigan.gov

Michigan ye l'únicu estáu con un territoriu formáu por dos penínsules. La Península Inferior (Lower Peninsula), a la que se-y aplicaba orixinalmente'l nome de Michigan, tien forma de manopla. La Península Superior (Upper Peninsula) ta separtada de l'anterior polos estrechos de Mackinac, una canal de 8 km d'anchor que xune'l llagu Hurón y el llagu Michigan. Les dos penínsules tán coneutaes ente elles pela ponte Mackinac. L'estáu ye la sodivisión política del mundu que tien la mayor llinia de costa d'agua dulce, una y bones llenda con cuatro de los cinco Grandes Llagos, amás de col llagu Saint Clair^[3]. De resultes d'ello ye ún de los estaos del país nos que la navegación de recréu ye más popular^[4].

Michigan tien, arriendes d'ello, 64.980 llagos y llagunes interiores^[5], lo que fai que dengún llugar del estáu tea más alloñáu de 9,7 km d'una fonte d'agua dulce ni a más de 137 km de la costa de dalgún de los Grandes Llagos^[6].

L'área, habitada por tribus de nativos americanos, foi colonizada por esploradores franceses nel sieglu XVII, y convertida en parte de la colonia de Nueva Francia. Tres de la derrota francesa na Guerra franco-india en 1762 la rexón pasó a dominiu británicu, siendo cedida a los recién nacíos Estaos Xuníos tres de la derrota británica na Guerra d'Independencia de los Estaos Xuníos. L'área formaba parte del nomáu Territoriu del Noroeste hasta 1800, cuando la fastera occidental de Michigan foi incluyida nel Territoriu d'Indiana. En 1805 formose'l Territoriu de Michigan, que foi almitíu na xunión, como'l so 26ᵘ estáu, en 1837. Bien ceo convirtióse nún importante centru industrial y comercial de la rexón de los Grandes Llagos, y un destinu perpopular pa los inmigrantes.

Magar que la so economía ye bien diversa, l'estáu ye famosu por ser el centru de la industria de la automoción d'Estaos Xuníos. Les trés grandes compañíes fabricantes de coches del país, les nomaes Big Three (General Motors, Ford y Chrysler), tienen la so sé principal nel área metropolitana de Detroit. Na Península Superior, poco poblada, l'abondanza de recursos naturales fai que'l turismu seya una industria próspera, mentantu que la Península Inferior ye un centru manufactureru, de servicios y d'industries d'alta teunoloxía.