Movimientu rastafari

El Movimientu rastafari ye un movimientu relixoso que xurdió en Xamaica nos entamos de los años 1930 a magar de profecíes bíbliques sobro la divinidá de Haile Selassie, de les aspiraciones sociales y polítiques de la comunidá negra y de les enseñances del publicista y organizador ñacíu en Xamaica Marcus Mosiah Garvey. Anque la visión política y cultural de Garvey inspiró a los fundadores del movimientu, que lu consideraron como un profeta, él enxamás s'identificó a sí mesmu col movimientu. Había cerca de 1.000.000 de rastafaris nel mundu nel añu 2000. De los xamaicanos, un 60 por cientu, aproximadamente, identifiquense a sí mesmos como rastafaris. El rastafarianismu xurdió ente la población negro de clas trabayadora en Xamaica, y permaneció demientres un tiempu como un defensor de la supremacía negra. Anguaño, d'otra miente, estendióse a lo llargo de gran parte del mundu al traviés de la inmigración.