Ligue 2

El campeonatu de fútbol foi creáu en Francia nel añu 1894. A imitación del campeonatu inglés, que creó la so segunda división en 1892, Francia decide, en 1896, dar marcha al nuevu campeonatu de fútbol. Dende 1933, los equipos que nella quixeren participar, tendríen qu'adquirir l'estatus de equipos profesionales, daqué que nun variaría hasta 1970, cuando los equipos amateurs pudieron volver xugar nesta división. En 1992, de nuevu foi vetada la participación a los equipos non profesionales, que siguen ensin poder xugar nesta división. Mientres tou esi tiempu, la Ligue 2 denominóse D2, nome que camudó pol actual nel añu 2002.

Como na gran mayoría de les lligues de fútbol, si nun partíu unu de los equipos gana y l'otru pierde, el vencedor consigue tres puntos y el perdedor, nengunu. En casu de qu'empaten, dambos equipos consiguen un puntu. L'equipu que, una vegada acabaos tolos partíos que correspuenden xugar esa lliga, consiguiera un mayor númberu de puntos proclámase vencedor del campeonatu. Amás, al tratase d'una división inferior, esti primera clasificáu, xunto al segundu y al terceru, xuben a la primer división francesa: la Ligue 1.

Sicasí, de la mesma manera que na mayoría de les divisiones (yá que nun se trata de la última división de fútbol francés), un númberu determináu d'equipos baxa, nesti casu los trés últimos: el 18º, el 19º y el 20º clasificáu baxen al Championnat National.

Los clubes de Ligue 2 participen na Copa de la Lliga, colos clubes de Ligue 1 y los de Championnat National con estatus profesional.

* En 1948-49 el 1. FC Saarbrücken foi campeón de la categoría sol nome de FC Sarrebruck, pero como yera un equipu alemán nun se tuvo en cuenta na clasificación final.

• Ligue 1
• Championnat National
• Championnat de France Amateurs
• Federación Francesa de Fútbol
• Seleición de fútbol de Francia
• Seleición femenina de fútbol de Francia

•   Wikimedia Commons acueye conteníu multimedia sobre Ligue 2.
• Web oficial de la lliga francesa de fútbol (en francés)